ថ្ងៃសុក្រ ទី២៦ ខែមេសា ឆ្នាំ២០២៤
ថ្ងៃសុក្រ ទី២៦ ខែមេសា ឆ្នាំ២០២៤
ប្រធាននៃគណៈកម្មាធិការពលរដ្ឋទីក្រុងហាណូយនៃប្រទេសវៀតណាម នៅថ្ងៃច័ន្ទ បានប្រគល់អំណោយជាបរិក្ខារពេទ្យទៅអោយទីក្រុងញូវយ៉ក ដើម្បីជួយទីក្រុងមួយនេះ របស់សហរដ្ឋអាមេរិក ប្រយុទ្ធប្រឆាំងនឹងជំងឺកូវីដ១៩។
ថ្លែងក្នុងពិធីប្រគល់អំណោយ ប្រធានគណៈកម្មាធិការបានថ្លែងថា រដ្ឋបាលទីក្រុងហាណូយ សង្ឃឹមនឹងចូលរួមចែករំលែកជួយដល់រដ្ឋបាល និងពលរដ្ឋនៅក្នុងទីក្រុងញូវយ៉ក រួមមានម៉ាស់ក្រណាត់ចំនួន១០០,០០០ម៉ាស់ និងម៉ាស់ពេទ្យចំនួន៥០,០០០ម៉ាស់ ដែលម៉ាស់ទាំងអស់នេះ ផលិតនៅក្នុងប្រទេសវៀតណាម ស្ថិតនៅក្រោមបទដ្ឋានគុណភាពក្រសួងសុខាភិបាល និងវិញ្ញាប័នប័ត្រCE certificate របស់សហភាពអ៊ឺរ៉ុប។
ឆ្នាំ២០២០ ជាខួបឆ្នាំទី២៥នៃទំនាក់ទំនងការទូតរវាងអាមេរិក និងវៀតណាម ដូច្នេះ ការប្រគល់បរិក្ខារពេទ្យជាចំណែកចូលរួមជាមួយសហរដ្ឋអាមេរិកនេះ បានបង្ហាញពីភាពរឹងមាំនៃភាពជាដៃគូរវាងប្រទេសទាំងពីរក្នុងគ្រប់វិស័យ។
ប្រែសម្រួល៖ ទួត ណាវ័ន្ត
