ថ្ងៃសៅរ៍ ទី២០ ខែមេសា ឆ្នាំ២០២៤
ថ្ងៃសៅរ៍ ទី២០ ខែមេសា ឆ្នាំ២០២៤
ពលរដ្ឋរស់នៅក្នុងប្រទេសចិន ឥឡូវនេះចាប់ផ្តើមក្រសោបយកជីវិតមានបែបបទរស់នៅពឹងអាស្រ័យលើអនឡាញ ក្រោយមានបញ្ហាផ្ទុះជំងឺឆ្លងរាលដាលកូវីដ១៩ ធ្វើអោយសហគ្រាសផ្តល់សេវាកម្មអនឡាញ និងអាជីវកម្មអនឡាញ មានតម្រូវការខ្ពស់ឡើង។
សហគ្រាសផ្តល់សេវាកម្មអនឡាញនៅប្រទេសចិន កំពុងមានតម្រូវការខ្ពស់ ដោយសារមនុស្សជាច្រើននាពេលឥឡូវ នេះ ងាកត្រលប់មករកសេវាកម្មអនឡាញ សម្រាប់ធ្វើការងារ សម្រាប់ការសិក្សា និងសកម្មភាពកំសាន្តពេលដែល ប្រទេសអាស៊ីមួយនេះ ផ្ទុះជំងឺឆ្លងកូវីដ១៩។
ការបំពេញការពីលំនៅដ្ឋាននៅទូទាំងប្រទេស ចាប់ផ្តើមនៅខែកុម្ភៈ ដើម្បីបញ្ជៀសមិនអោយអាជីវកម្មទាំងឡាយដួល រលំ ហើយបុគ្គលិកបាត់បង់ការងារ។
App ប្រើសម្រាប់ការប្រជុំតាមអនឡាញ មានដូចជា Zoom, WeChat Work និងTencent Meeting មានអ្នកប្រើ ប្រាស់ច្រើនខ្លាំង នៅអំឡុងពេលប្រមាណជាពីរ ទៅបីខែកន្លងទៅនេះ។
ក្រុមហ៊ុនបច្ចេកវិទ្យាយក្សចិន Tencent បានលើកឡើងថា « មានសហគ្រាសរាប់លានប្រើប្រាស់ WeChat Work និងបុគ្គលិករាប់ពាន់លាន ប្រើការទំនាក់ទំនងតាមរយៈកម្មវិធីនេះ ដែលឃើញថា ជាតួលេខមួយកើនឡើងដល់ ទៅ៣ដងបើធៀបនឹងឆ្នាំមុន»។
ក្រៅតែពីវិស័យApp ទៅ ហាងទំនិញអនឡាញក៏ទទួលបានការពេញនិយមខ្ពស់ផងដែរ។
អ្នកគ្រប់គ្រងទូទៅអាគារពាណិជ្ជកម្មChaoyang Joy City នៅទីក្រុងប៉េកាំងបានរៀបរាប់ថា «ការផ្សាយបន្តផ្ទាល់តាម អនឡាញ, ការណែនាំទំនិញតាមអនឡាញ, ឬការលក់តាម WeChat ពីក្រុមអ្នកអនឡាញមានកេរ្តិ៍ឈ្មោះល្បីៗ បច្ចុប្បន្ននេះ ជាច្រកលក់ទំនិញ និងជួយអាជីវករទាំងឡាយពង្រីកអាជីវកម្មរបស់ពួកគេ»។
ប្រទេសមកដល់ពេលនេះ បានចាប់ផ្តើមបើកដំណើរការអាគារការិយាល័យ សាលារៀន និងហាងទំនិញឡើងវិញ ជាបណ្តើរៗហើយ ប៉ុន្តែពិភពលោកអនឡាញ បានបង្ហាញពីកម្លាំងឥទ្ធិពល រួមនិងភាពចាំបាច់នៃវិស័យអនឡាញ ដ៏ខ្លាំងសម្បើមរបស់ខ្លួននៅក្នុងគ្រប់ផ្នែកនៃការរស់នៅ។
តាមការស្ទាបស្ទង់មតិពី Team Viewer ទៅលើបុគ្គលិកក្នុង៣០០ក្រុមហ៊ុននោះឃើញថា ចម្លើយដែលទទួលបានមក ភាគច្រើន ពួកគេសង្ឃឹមថា ការិយាល័យអនឡាញអាចក្លាយជាទម្លាប់ថ្មីមួយសម្រាប់ពួកគេ។
ខណៈដែលប្រទេសចិនឈានមុខនៅក្នុងការប្រើប្រាស់5G, VR និង AI ជាលក្ខណៈពាណិជ្ជកម្មនោះ ការរស់នៅបែប ទំនោរទៅរកបច្ចេកវិទ្យាប្រហែលជាមកដល់លឿនមុនការរំពឹងទុក។
ប្រែសម្រួល៖ ទួត ណាវ័ន្ត