ថ្ងៃសុក្រ ទី១៩ ខែមេសា ឆ្នាំ២០២៤
ថ្ងៃសុក្រ ទី១៩ ខែមេសា ឆ្នាំ២០២៤
ពលរដ្ឋនៅទីក្រុង ម៉ានីឡា បានរស់នៅតែក្នុងផ្ទះអស់រយៈពេល១១សប្ដាហ៍ មុនពេលមានការបន្ធូរបន្ថយលក្ខខណ្ឌនេះឡើងវិញ។ នៅថ្ងៃដំបូងនៃការចូលធ្វើការឡើងវិញនេះ ចរាចរណ៍រាងចង្អៀតបន្តិច ដោយសារតែមនុស្សសម្រុកធ្វើដំណើរច្រើនពេក។
គេឃើញមនុស្សតម្រង់ជួរគ្នាយ៉ាងវែងអន្លាយដើម្បីរង់ចាំជិះរថភ្លើង ខណៈពេលដែលសេវានេះមិនទាន់បើកដំណើរការឡើងវិញ១០០%ទេ គឺបើកត្រឹមតែ១២%ប៉ុណ្ណោះ។
ចំណែកមធ្យោបាយដឹកជញ្ជូនសាធារណៈដទៃទៀតក៏មិនទាន់បើកដំណើរការទូលំទូលាយដូចមុនដែរ។ នៅទីក្រុង ម៉ានីឡា គេឃើញមានឡានក្រុងដឹកមនុស្សត្រឹមតែ៣រយ ឬ៥រយគ្រឿងតែប៉ុណ្ណោះ ខណៈពេលដែលទីក្រុងនេះធ្លាប់តែមានឡានក្រុងរហូតដល់ជាង៣ពាន់គ្រឿងឯណោះ។
ពលរដ្ឋខ្លះប្រាប់ថាទោះបីជាពេលនេះ ស្រុកទេសមិនទាន់បានស្រួលបួលពីជំងឺ ខូវីដ១៩ ក៏ដោយ ក៏ពួកគេត្រូវតែប្រថុយចេញទៅធ្វើការដែរ។ ពួកគេប្រាប់ថាមានតែមធ្យោបាយនេះទេ ទើបអាចរកប្រាក់ដើម្បីដោះស្រាយជីវភាពប្រចាំថ្ងៃ និងដោះបំណុលគេ៕
ប្រែសម្រួល៖ អន សំអាង
.jpg)
