ថ្ងៃព្រហស្បតិ៍ ទី២៥ ខែមេសា ឆ្នាំ២០២៤
ថ្ងៃព្រហស្បតិ៍ ទី២៥ ខែមេសា ឆ្នាំ២០២៤
រូងភ្នំ Yungang (យ៉ុនកាង) ដែលជាតំបន់បេតិកភណ្ឌពិភពលោកយូណេស្កូ ត្រូវបានចាត់ទុកជាកំណប់សិល្បៈដ៏ធំមួយដែលផ្សារភ្ជាប់នូវវប្បធម៌ចិន ជាមួយនឹងវប្បធម៌លោកខាងលិច។
មានចម្ងាយប្រមាណ ១៦គីឡូម៉ែត្រពីទីក្រុងដាទុង នៃខេត្តសានស៊ី ប្រទេសចិន រូងភ្នំ Yungang (យ៉ុនកាង) គឺជារមណីយដ្ឋានបែបប្រវត្តិសាស្ត្រដ៏ល្បីដែលនៅផ្នែកខាងក្រៅ មានដាប់ឆ្លាក់ជាប់នូវរូបពុទ្ធបដិមាដ៏ធំសម្បើម ឆ្លាក់ដោយប្រើប្រាស់កម្លាំងមនុស្សសុទ្ធសាធ។
ស្ថិតនៅជាប់នឹងចង្កេះភ្នំវូចូវសាន ក្នុងបរិវេណតំបន់រូងភ្នំនេះមានរូងភ្នំធំៗចំនួន៥៣ និងរូងតូចៗចំនួន ៥១០០០កន្លែងដែលមានដាក់តាំងរូបសំណាកព្រះពុទ្ធរូបចំនួន ៥១០០០អង្គ ដែលត្រូវបានសាងសង់ឡើងនៅខ្ទង់ ១៥០០ឆ្នាំមុន។
នៅឆ្នាំ២០០១ រូងភ្នំយ៉ុនកាង បានក្លាយជាសម្បត្តិបេតិកភណ្ឌពិភពលោកទទួលស្គាល់ដោយអង្គការយូណេស្កូ ដោយអង្គការនេះបានលើកសរសើរថារូងភ្នំយ៉ុនកាងគឺជារូងភ្នំព្រះពុទ្ធដ៏ល្អឯកមួយ ដែលបានរួមបញ្ចូលគ្នានូវសាសនាព្រះពុទ្ធមកពីអាស៊ីខាងត្បូង និងអាស៊ីកណ្ដាល ជាមួយវប្បធម៌ជនជាតិចិន។
កាលពីខែឧសភាឆ្នាំ២០២០ ប្រធានាធិបតីចិនលោក ស៊ី ចិនពីង បានទៅទស្សនារូងភ្នំយ៉ុនកាងនេះ ដោយបានសង្កត់ធ្ងន់ថាទីនេះនេះគឺជាសម្បត្តិវប្បធម៌ពិភពលោក ហើយការអភិរក្សសម្បត្តិវប្បធម៌នេះមិនមែនសំខាន់សម្រាប់តែប្រទេសចិននោះទេ គឺដល់ពិភពលោកទាំងមូល ៕
ប្រែសម្រួល៖ វ៉ាន់ថន