ថ្ងៃសុក្រ ទី២៩ ខែមីនា ឆ្នាំ២០២៤
ថ្ងៃសុក្រ ទី២៩ ខែមីនា ឆ្នាំ២០២៤
ហេតុការណ៍ផ្ទុះនៅសួនឧស្សាហកម្ម នៅថ្ងៃអង្គារដែលបង្កអោយកើតមានអគ្គីភ័យនិងផ្សែងខ្មៅខ្មួលខ្មាញ់ពាសពេញផ្ទៃមេឃក្នុងទីក្រុងLeverkusen(ឡេនវើកូសីន) របស់ប្រទេសអាលឺម៉ង់បានសម្លាប់មនុស្សយ៉ាងតិចម្នាក់ និង៤នាក់ផ្សេងទៀតបាត់ខ្លួននៅឡើយ។
ទីភ្នាក់ងារសង្គ្រោះបន្ទាន់ បានប្រើពេល៣ម៉ោងដើម្បីពន្លត់ភ្លើង នៅសួនឧស្សាហកម្មឈីផាក(Chempark) ដែលជាតំបន់មានក្រុមហ៊ុនគីមីជាច្រើន។ អាជ្ញាធរអាលឺម៉ង់បានអោយដឹងថា ប្រតិបត្តិការរុករកអ្នកបាត់ខ្លួននៅតែបន្តធ្វើឡើង។ ក្នុងហេតុការណ៍នេះផងដែរ មានមនុស្សយ៉ាងតិច១៦នាក់ផ្សេងទៀត រងរបួស ក្នុងនេះមានម្នាក់ប្រឈមនឹងគ្រោះថ្នាក់ដល់ជីវិត។
យ៉ាងណាក៏ដោយមកដល់ពេលនេះ គេនៅមិនទាន់បានដឹងពីមូលហេតុផ្ទុះនៅឡើយទេ។
ភ្លាមៗក្រោយកើតហេតុ អាជ្ញាធរបានស្នើអោយពលរដ្ឋត្រូវនៅក្នុងលំនៅដ្ឋាន ហើយបិទទ្វារនិងបង្អួច ខណៈអាជ្ញាធរអាលឺម៉ង់ត្រូវពិនិត្យមើលគុណភាពខ្យល់ជុំវិញ កន្លែងកើតហេតុ រកមើលថាតើមានឧស្ម័នពុលដែរឬយ៉ាងណា។
ប្រែសម្រួល៖ណាវ័ន្ត