ថ្ងៃសុក្រ ទី២៩ ខែមីនា ឆ្នាំ២០២៤
ថ្ងៃសុក្រ ទី២៩ ខែមីនា ឆ្នាំ២០២៤
សង្គ្រាមតុលាការរវាងតារាសម្ដែង Brad Pitt និងអតីតភរិយា Angelina Jolie នៅមិនទាន់បញ្ចប់នៅឡើយទេ ក្រោយពីតុលាការផ្ដល់សិទ្ធិឲ្យ Brad Pitt បានត្រឹមតែសួរសុខទុក្ខកូនៗប៉ុណ្ណោះ។
អ្នកតំណាងរបស់តារាសម្ដែង Brad Pitt បានប្រកាសថានឹងប្ដឹងឧទ្ធរណ៍ប្រឆាំងនឹងការសម្រេចរបស់តុលាការដែលបានដកសិទ្ធិចៅក្រមរបស់ខ្លួន ចេញពីការតស៊ូក្ដីជាមួយនឹងតារាស្រី Angelina Jolie (អេនជេលីណា ជូលី)។
គួរបញ្ជាក់ថាតារាសម្ដែង Brad Pitt និងតារាស្រី Angelina Jolie ត្រូវបានតុលាការសម្រេចផ្ដល់សិទ្ធិឲ្យអ្នកទាំងពីរមើលថែកូនតូចៗចំនួន៥នាក់រួមគ្នា ក្រោយការលែងលះផ្លូវការនៅឆ្នាំ២០១៩។
ទោះយ៉ាងណា ក្រោយពីតុលាការឧទ្ធរណ៍ បានសម្រេចដកសិទ្ធិចៅក្រមឯកជនរបស់ Brad Pitt កាលពីថ្ងៃសុក្រកន្លងទៅ អ្នកស្រី Angelina Jolie ក៏អាចទទួលបានសិទ្ធិមើលថែកូនៗយ៉ាងពេញលេញ ខណៈដែល Brad Pitt ទទួលបានសិទ្ធិទៅសួរសុខទុក្ខកូនៗតែប៉ុណ្ណោះ។
មេធាវីរបស់ តារាសម្ដែង Brad Pitt បានបញ្ជាក់ថាលោកកំពុងតែព្យាយាមដោះស្រាយករណីនេះ ដើម្បីទទួលបានសិទ្ធិមើលថែកូនរួមគ្នាត្រឡប់មកវិញ ដោយលើកហេតុផលថាការមើលថែរួមគ្នាជារឿងល្អបំផុតសម្រាប់កូនៗ។
អ្នកជំនាញផ្នែកច្បាប់នៅទីក្រុង Los Angeles បានបញ្ជាក់ថាជម្លោះរវាងកំពូលតារាទាំងពីរនឹងត្រូវចំណាយលុយជាងមួយលានដុល្លារ និងអាចមានរយៈពេល ៦ ឆ្នាំទៀតប្រសិនបើភាគីទាំងពីរនៅតែរកចំណុចកណ្ដាលមិនបាន ៕
ប្រែសម្រួល៖ វ៉ាន់ថន