កាលពីថ្ងៃទី ៩ ខែមិថុនា ក្រុមចម្រៀងនារីកូរ៉េ TWICE បានបង្ហាញវត្តមានជាលើកដំបូងក្នុងកម្មវិធី Ellen DeGeneres Show ដែលជាវេទិកាជជែកកម្សាន្តដ៏ពេញនិយមរបស់អាមេរិក ។

សម្រាប់ការបង្ហាញខ្លួននេះ សមាជិកក្រុមទាំង ៩នាក់បានសម្ដែងបទចម្រៀងថ្មីបំផុតរបស់គេគឺបទ “Alcohol Free” ដែលដកស្រង់ពីអាល់ប៊ុម “Taste of Love”។

ត្បិតថានេះជាការបង្ហាញខ្លួនលើកដំបូងរបស់ពួកគេក្នុងកម្មវិធី Ellen ប៉ុន្តែក្រុមចម្រៀងជួរមុខពីផលិតកម្ម JYP មួយនេះក៏ធ្លាប់បង្ហាញខ្លួនលើកម្មវិធីផ្សេងៗរបស់អាមេរិកមួយចំនួនដែរនៅពេលកន្លងមកដូចជាកម្មវិធី The Kelly Clarkson Show និងកម្មវិធី The Late Show with Stephen Colbert ជាដើម។

មុននឹងធ្វើការ Comeback នៅកូរ៉េជាមួយអាល់ប៊ុម “Taste of Love” ដែលត្រៀមចេញផ្លូវការនៅថ្ងៃទី១១ មិថុនា ក្រុមចម្រៀង TWICE ក៏ទើបតែចេញបទចម្រៀងជាភាសាជប៉ុនមួយបទមានចំណងជើងថា “Kura Kura” កាលពីចុងខែមេសាកន្លងទៅ ៕

ប្រែសម្រួល៖ វ៉ាន់ថន