ថ្ងៃសុក្រ ទី១៩ ខែមេសា ឆ្នាំ២០២៤
ថ្ងៃសុក្រ ទី១៩ ខែមេសា ឆ្នាំ២០២៤
រដ្ឋបាលរាជធានីភ្នំពេញ នៅថ្ងៃទី២មិថុនានេះ បានជូនដំណឹង អោយម្ចាស់បែចិញ្ចឹមត្រី ផ្ទះបណ្ដែតទឹក ផ្ទះទូកតូចៗ និងសំណង់មិនរៀបរយលើផ្ទៃទន្លេទាំងអស់ ត្រូវរុះរើ ឬចល័តចេញជាបន្ទាន់ ដោយទុករយៈពេលមួយសប្ដាហ៍ គិតចាប់ពីថ្ងៃជូនដំណឹងនេះតទៅ។
ការតម្រូវអោយរុះរើ ឬចល័តចេញជាបន្ទាន់ពីទន្លេ ក្នុងភូមិសាស្ត្ររាជធានីភ្នំពេញ ដោយសារមានជនឱកាសនិយមមួយចំនួន បានលបលួចធ្វើបែចិញ្ចឹមត្រី ផ្ទះបណ្តែតទឹក ផ្ទះតូចៗ និងសំណង់មិនរៀបរយនៅលើផ្ទៃទន្លេ ហើយកន្លែងខ្លះ បានប្រែក្លាយជាកន្លែងស្នាក់នៅដោយខុសច្បាប់ បង្កឱ្យបាត់បង់សណ្តាប់ធ្នាប់ ប៉ះពាល់ដល់ផ្លូវនាវាចរ និងបរិស្ថាន។
លោក សន រដ្ឋា រាយការណ៍៖
រាយការណ៍៖ សន រដ្ឋា រូបភាព៖ ញិល សុជា