ថ្ងៃសៅរ៍ ទី២០ ខែមេសា ឆ្នាំ២០២៤
ថ្ងៃសៅរ៍ ទី២០ ខែមេសា ឆ្នាំ២០២៤
ប្រទេសឥណ្ឌា មានតួលេខអ្នកឆ្លងជំងឺកូវីដ១៩ចំនួន២០០,០០០នាក់ នៅថ្ងៃព្រហស្បតិ៍ ហើយទីក្រុងហិរញ្ញវត្ថុមុំបៃ ត្រូវបិទខ្ទប់ នៅស្របពេលដែលមន្ទីរពេទ្យព្យាបាលអ្នកជំងឺកូវីដ១៩ ជួបបញ្ហាកង្វះគ្រែអ្នកជំងឺ និងអុកស៊ីសែន។
តួលេខកើនឡើងអ្នកឆ្លងជំងឺកូវីដ១៩នៅប្រទេសឥណ្ឌា បានកើតឡើងនៅពេលប្រទេសឥណ្ឌាប្រយុទ្ធប្រឆាំងនឹងជំងឺឆ្លងរាលដាលកូវីដ១៩ទ្រង់ទ្រាយធំជាលើកទី២ ដែលទីតាំងឆ្លងទ្រង់ទ្រាយធំគឺនៅរដ្ឋម៉ាហារ៉ាស្ត្រា ដែលជារដ្ឋរបស់ទីក្រុងមុំបៃ។
ក្នុងរយៈពេល២៤ម៉ោងកន្លងទៅ ឥណ្ឌាមានមនុស្ស២០០,៧៣៩នាក់ ឆ្លងជំងឺកូវីដ១៩។ នេះបើតាមការអោយដឹងពីក្រសួងសុខាភិបាលឥណ្ឌា ។ ស្របគ្នាតួលេខមនុស្សស្លាប់មាន១០៣៨នាក់ ដែលជាតួលេខមួយរុញច្រានតួលេខមនុស្សស្លាប់ដោយសារជំងឺកូវីដ១៩នៅទូទាំងប្រទេសឥណ្ឌាមានជំនួន១៧៣,១២៣នាក់។
ចំណែកតួលេខអ្នកជំងឺកូវីដ១៩មានចំនួន១៤,១លាននាក់ ជាប្រទេសទី២បន្ទាប់ពីសហរដ្ឋអាមេរិកដែលទទួលរងគ្រោះកូវីដ១៩ធ្ងន់ធ្ងរជាប្រទេសមានអ្នកជំងឺកូវីដ១៩ច្រើនជាងគេនៅក្នុងពិភពលោក។
ប្រែសម្រួល៖ណាវ័ន្ត