ថ្ងៃព្រហស្បតិ៍ ទី២៥ ខែមេសា ឆ្នាំ២០២៤
ថ្ងៃព្រហស្បតិ៍ ទី២៥ ខែមេសា ឆ្នាំ២០២៤
ក្រោយស្ងប់ស្ងាត់មិនបានចេញអាល់ប៊ុមថ្មីជាច្រើនឆ្នាំ តារាចម្រៀងម្ចាស់បទ “Lazy Song” Bruno Mars បានប្រកាសចេញអាល់ប៊ុមថ្មីមួយនៅដើមខែមីនានេះ ដោយសហការជាមួយតារាចម្រៀងរ៉េបល្បីម្នាក់
តារាចម្រៀងអាមេរិក Bruno Mars (ព្រូណូ ម៉ាស) និងតារារ៉េប Anderson .Paak (អេនឌើសុន ផាក) បានសហការគ្នាបង្កើតក្រុមចម្រៀងថ្មីមួយឈ្មោះថា Silk Sonic (ស៊ីល សូនិក) ដោយក្រុមចម្រៀងពួកគេដែលមានសមាជិកពីរនាក់នេះនឹងចេញអាល់ប៊ុមដំបូងនៅថ្ងៃទី៥ ខែមីនានេះតែម្ដង។
ផ្អែកតាមការប្រកាសតាមបណ្ដាញ Twitter របស់តារាវ័យ ៣៥ឆ្នាំទាំងពីរ អាល់ប៊ុមដំបូងរបស់ ពួកគេគឺមានចំណងជើងថា "An Evening With Silk Sonic" ហើយនឹងមានការចូលរួមជាពិសេសរបស់តារាចម្រៀងជើងចាស់ Bootsy Collins (ប៊ូសធី ខូលីន) ផងដែរ។
តារាចម្រៀងទាំងពីរដែលបានឈ្នះពានរង្វាន់ Grammy សរុបចូលគ្នាដល់ ១៣ពាន បានប្រកាសអំពីដំណឹងរីករាយនេះដល់អ្នកគាំទ្ររបស់ខ្លួនលើបណ្ដាញសង្គម កាលពីចុងសប្ដាហ៍កន្លងទៅ។
គួរបញ្ជាក់ថា តាំងពីឆ្នាំ២០១៦មក តារាចម្រៀង Bruno Mars មិនបានថតអាល់ប៊ុមថ្មីនោះទេ ហើយបទចម្រៀងថ្មីបំផុតរបស់គេ គឺមានតែបទ “Treasure” ដែលរូបគេបានសហការជាមួយ Cardi B និង Ed Sheeran ក្នុងឆ្នាំ ២០១៩។
ចំណែក តារារ៉េប Anderson .Paak (អេនឌើសុន ផាក) បានចេញអាល់ប៊ុមចុងក្រោយរបស់ខ្លួនកាលពីឆ្នាំ២០១៩ ដែលជាអាល់ប៊ុមទី៤មានចំណងជើងថា “ Ventura” (វេនធ្យូរ៉ា) ៕
ប្រែសម្រួល៖ វ៉ាន់ថន