ថ្ងៃសុក្រ ទី២៦ ខែមេសា ឆ្នាំ២០២៤
ថ្ងៃសុក្រ ទី២៦ ខែមេសា ឆ្នាំ២០២៤
ជំនួយការឯកឧត្តមឯកអគ្គរាជទូតកម្ពុជា ទទួលបន្ទុកកិច្ចការងារស្ត្រី និងនិស្សិត កញ្ញា ស្រ៊ុន ស្រីនាង បានដឹកនាំនិស្សិត២រូប ជាគ្រូបង្រៀនស្ម័គ្រចិត្ត ជួបពិភាក្សាការងារលើគម្រោងអប់រំដល់កុមារតូចៗមានដើមកំណើតពីម្តាយ ឬឪពុកជនជាតិខ្មែរ។
កិច្ចពិភាក្សានេះបានធ្វើឡើងកាលពីថ្ងៃសុក្រម្សិលមិញ ដោយមានការចូលរួមពីលោកស្រី Bia Lee ប្រធានគ្រប់គ្រងកិច្ចការទូទៅ នៃមជ្ឈមណ្ឌលគាំពារជនបរទេសទីក្រុង សុងណាំ សាធារណៈរដ្ឋកូរ៉េ។
បើតាមខ្លឹមសារបង្ហោះលើទំព័រហ្វេសប៊ុកស្ថានទូត ជាលទ្ធផល គឺក្រុមការងារកំណត់តួនាទី និងភារកិច្ចជាបន្ទុករបស់ស្ថានទូត និងមជ្ឈមណ្ឌល ហើយគម្រោងនេះនឹងចាប់ផ្តើមដំណើរការពីថ្ងៃ៣ ខែមេសា ដល់ ១១ ខែធ្នូ ឆ្នាំ ២០២១ ដោយបែងចែកជា២ឆមាស។
ដោយយកចិត្តទុកដាក់ខ្ពស់លើគុណភាពនៃការអប់រំ ក្រុមការងារក៏បានការរៀបចំសំភារៈឧបទេស និងកិច្ចតែងការបង្រៀន ព្រមទាំងវិធីសាស្រ្តបង្រៀនយ៉ាងត្រឹមត្រូវផងដែរ។ ក្រុមការងារបានឯកពដាក់កម្មវិធីសម្ភោធបើកដំណើរការគម្រោងគ្រោងនៅថ្ងៃទី៣ ខែមេសា ឆ្នាំ២០២១ ក្រោមអធិបតីភាពឯកឧត្តម ឡុង ឌីម៉ង់ ឯកអគ្គរាជទូតកម្ពុជាប្រចាំនៅកូរ៉េខាងត្បូង។
សូមបញ្ជាក់ថាពិធីសម្ពោធនឹងធ្វើឡើងតាមប្រព័ន្ធអនឡាញ ដោយមានការចូលរួមពីប្រធានក្រុមការងារស្រ្តី នាយកមជ្ឈមណ្ឌល សមាគមនិស្សិត ព្រមទាំងបងប្អូនស្រ្តីវអនិកជន និងកុមារជាកូនសិស្សប្រមាណ១៥នាក់ (online) ៕
អត្ថបទ៖ រ៉េន រតនៈ, រូបភាព៖ ស្ថានទូត