ថ្ងៃសុក្រ ទី២៩ ខែមីនា ឆ្នាំ២០២៤
ថ្ងៃសុក្រ ទី២៩ ខែមីនា ឆ្នាំ២០២៤
ក្នុងឱកាសដែលប្រទេសកម្ពុជា ប្រារព្ធទិវាទីក្រុងស្អាត លើកទី៩ នៅថ្ងៃទី២៥ ខែកុម្ភៈ ឆ្នាំ២០២១ នេះ សម្ដេចតេជោ ហ៊ុន សែន នៅតែបន្តអំពាវនាវឲ្យប្រជាពលរដ្ឋកម្ពុជាគ្រប់រូប រួមទាំងវិស័យឯកជនផងដែរ ចូលរួមប្រយុទ្ធប្រឆាំងទប់ស្កាត់ការឆ្លងរីករាលដាលនៃជំងឺកូវីដ១៩។
ជំងឺកូវីដ១៩ ត្រូវបានអ្នកជំនាញផ្នែកសុខាភិបាល វាយតម្លៃថា បានវិវត្តមកដល់របត់ថ្មីមួយដែលមិនអាចមើលស្រាលបាន ក្រោយរកឃើញអ្នកឆ្លងថ្មីចេញពីព្រឹត្តិការណ៍សហគមន៍២០ កុម្ភៈ បន្តកើនឡើងជារៀងរាល់ថ្ងៃ។
ដើម្បីអាចឈានទៅគ្រប់គ្រងបាន ឬបិទបញ្ចប់ព្រឹត្តិការណ៍រីករាលដាលនៃជំងឺកូវីដ១៩ ឆ្លងចូលសហគមន៍ លុះត្រាតែមានការចូលរួមពីគ្រប់ភាគីពាក់ព័ន្ធជាពិសេសគឺប្រជាពលរដ្ឋ ត្រូវចួលរួមជាមួយអាជ្ញាធរ ដោយអនុវត្តវិធានការរបស់ក្រសួងសុខាភិបាល និងរាជរដ្ឋាភិបាល ដែលបានដាក់ចេញនាពេលគន្លងមក ឲ្យបានត្រឹមត្រូវ និងហ្មត់ចត់បំផុត៕
អត្ថបទ៖ ហ៊ុន ឌីណូ រូបភាព៖ ក្រុមការងារ