ថ្ងៃសុក្រ ទី២៩ ខែមីនា ឆ្នាំ២០២៤
ថ្ងៃសុក្រ ទី២៩ ខែមីនា ឆ្នាំ២០២៤
តុលាការម៉ាឡេស៊ី បានអនុញាតិអោយស្នាក់នៅជាបណ្តោះអាសន្នសម្រាប់ពលដ្ឋមីយ៉ាន់ម៉ាចំនួន១២០០នាក់។ ពលរដ្ឋទាំងនេះត្រូវបានអាជ្ញាធរនៃប្រទេសម៉ាឡេស៊ី គ្រោងនឹងបញ្ជូនត្រលប់ទៅកាន់ប្រទេសកំណើតរបស់ពួកគេវិញនៅថ្ងៃអង្គារ។
ប៉ុន្តែខាងតុលាការម៉ាឡេស៊ីបានសម្រេចផ្អាកការនិរទេសដោយសារតែមានក្រុមសិទ្ធិមនុស្សតវ៉ាប្រឆាំងដោយលើកហេតុផលថាការនិរទេសទៅប្រទេសកំណើតអាចបង្កគ្រោះថ្នាក់ដល់ជីវិតរបស់ពលរដ្ឋទាំងនោះ។
ជនភៀសខ្លួន១២០០នាក់គ្រោងនឹងបញ្ជូនត្រលប់ទៅប្រទេសកំណើតវិញនៅរសៀលថ្ងៃអង្គារ តាមនាវាយោធាជើងទឹក៣គ្រឿងដែលយោធាមីយ៉ាន់ម៉ាបញ្ជូនមកដឹកអ្នកទាំងនោះ។ នៅប្រទេសមីយ៉ាន់ម៉ាកំពុងកើតមានបាតុកម្ម នៅតាមដងផ្លូវទូទាំងប្រទេសក្រោយយោធាមីយ៉ាន់ម៉ា ធ្វើរដ្ឋប្រហារដណ្តើមអំណាចគ្រប់គ្រងប្រទេសចាប់តាំងពីថ្ងៃទី១កុម្ភៈមក។
តុលាការកំពូលទីក្រុងកួឡាឡំពួរនៃប្រទេសម៉ាឡេស៊ីបានបញ្ជាអោយផ្អាកការធ្វើការនិរទេស ដើម្បីអនុញាតិអោយមានសវនាការមួយនៅថ្ងៃពុធ ទៅលើការតវ៉ារបស់ក្រុមជនភៀសខ្លួនដែលទាមទារបញ្ឈប់ការនិរទេសពួកគេ។
ក្រុមសិទ្ធិមនុស្សក៏បានជម្រុញអោយរដ្ឋាភិបាលម៉ាឡេស៊ីពិចារណាឡើងវិញផងដែរអំពីផែនការបញ្ជូនជនភៀសខ្លួនត្រលប់ទៅប្រទេសមីយ៉ាន់ម៉ាដែលជាប្រទេសកំណើត ដែលកើតមានការរំលោភសិទ្ធិមនុស្សខ្ពស់ក្រោយរដ្ឋប្រហារយោធាថ្ងៃ១កុម្ភៈ ដែលបានបញ្ចប់ការដឹកនាំប្រទេសរបស់មេដឹកនាំជាប់ឆ្នោតលោកស្រីអ៊ុងសានស៊ូជី។
ប្រែសម្រួល៖ណាវ័ន្ត