ថ្ងៃសុក្រ ទី១៩ ខែមេសា ឆ្នាំ២០២៤
ថ្ងៃសុក្រ ទី១៩ ខែមេសា ឆ្នាំ២០២៤
ក្រុមហ៊ុនអាកាសចរណ៍អាមេរិកUnited Airlinesបានអោយដឹងនៅថ្ងៃអាទិត្យថា ក្រុមហ៊ុននឹងបញ្ឈប់ភ្លាមៗរាល់ការហោះហើរទាំងអស់របស់យន្តហោះប៊ូអ៊ីញ៧៧៧របស់ខ្លួនចំនួន២៤គ្រឿង ដែលមានប្រភេទគ្រឿងម៉ាស៊ីនដូចគ្នានឹងយន្តហោះដែលចុះចតបន្ទាន់នៅទីក្រុងដេនវឿ។
ការប្រកាសបានធ្វើឡើងបន្ទាប់ពីរដ្ឋបាលអាកាសចរណ៍សហព័ន្ធអោយដឹងថា ក្រុមហ៊ុននឹងត្រូវអោយមានការត្រួតពិនិត្យយន្តហោះប៊ូអ៊ីញ៧៧៧ ដែលមានប្រភេទម៉ាស៊ីន Pratt & Whitney PW4000 បន្ទាប់ពីមានបញ្ហាគ្រឿងម៉ាស៊ីនខាងស្តាំរបស់យន្តហោះ United Flight 328។
ក្រុមហ៊ុនUnitedបានលើកឡើងថា នឹងបន្តពិភាក្សាជាមួយអាជ្ញាធរអាមេរិកដើម្បីកំណត់ពីចំណាត់ការបន្ថែមផ្សេងៗដែលត្រូវការដើម្បីធានាថាយន្តហោះទាំងនោះបំពេញបានតាមបទដ្ឋានស្តង់ដា និងអាចវិលត្រលប់ទៅហោះហើរសារជាថ្មីឡើងវិញ។
រដ្ឋបាលអាកាសចរណ៍សហព័ន្ធអាមេរិកបានលើកឡើងថា មានការរំពឹងថាការត្រួតពិនិត្យនឹងតម្រូវអោយយន្តហោះមួយចំនួនត្រូវដកចេញពីការបម្រើសេវាកម្ម។
ប្រែសម្រួល៖ណាវ័ន្ត