ថ្ងៃអង្គារ៍ ទី០៩ ខែមីនា ឆ្នាំ២០២១

ក្រុមហ៊ុនហ្វេសប៊ុកលុបផេកសំខាន់របស់យោធាមីយ៉ាន់ម៉ា

២២ កុម្ភៈ ២០២១ | ព័ត៌មានអន្តរជាតិ

 

ក្រុមហ៊ុនហ្វេសប៊ុក(Facebook) កាលពីថ្ងៃអាទិត្យ បានលុបចោលផេកសំខាន់របស់យោធាមីយ៉ាន់ម៉ា ក្រោមហេតុផលបទដ្ឋានរបស់ក្រុមហ៊ុនហ្វេសប៊ុកដែលហាមឃាត់ការអុចអាលដែលនាំអោយកើតមានអំពើហិង្សា។
នេះបើតាមការអោយដឹងពីក្រុមហ៊ុនហ្វេសប៊ុក។ ការសម្រេចលុបចោលផេកហ្វេសប៊ុករបស់យោធាមីយ៉ាន់ម៉ា
បានកើតឡើងក្រោយពីបាតុករ២នាក់នៅត្រូវបានសម្លាប់នៅពេលប៉ូលីសបានបើកការបាញ់ប្រហារទៅលើក្រុមបាតុករដែលប្រឆាំងនឹងរដ្ឋប្រហារយោធាថ្ងៃទី១កុម្ភះ។ 


 

 

 

 

អ្នកនាំពាក្យក្រុមហ៊ុនFacebook បានអោយសារព័ត៌មានរ៉យទ័រដឹងថា ស្របតាមគោលនយោបាយសាកល យើងបានលុបចោលផេកហ្វេសប៊ុកTatmadaw True News Information Team Page  ចេញពីបណ្តាញទំនាក់ទំនងសង្គមអនឡាញយក្សFacebook ។

 

 

យោធាមីយ៉ាន់ម៉ា ត្រូវបានគេស្គាល់ឈ្មោះថា Tatmadaw។ ផេកហ្វេសប៊ុកTrue News របស់យោធាមីយ៉ាន់ម៉ាលែងមានសុពលភាពប្រើប្រាស់បាននៅថ្ងៃអាទិត្យ។

 

 

អ្នកនាំពាក្យយោធាមីយ៉ាន់ម៉ា មិនបានឆ្លើយតបទូរស័ព្ទរបស់អ្នកសារព័ត៌មានដែលសុំការអត្ថាធិប្បាយលើបញ្ហានេះឡើយ។ 

 

 

មនុស្ស២នាក់ត្រូវបានសម្លាប់នៅក្នុងទីក្រុងMandalay  របស់ប្រទេសមីយ៉ាន់ម៉ា នៅថ្ងៃអាទិត្យ(២០កុម្ភៈ) នៅពេលប៉ូលីស និងយោធាបើកការបាញ់ប្រហារលើបាតុករដែលប្រឆាំងនឹងការទម្លាក់មេដឹកនាំជាប់ឆ្នោតលោកស្រីអ៊ុងសានស៊ូជី។

 

 

 

 

ប្រែសម្រួល៖ណាវ័ន្ត
 

 

ព័ត៌មានដែលទាក់ទង

Copyright © 2016 PNN NEWS. All Rights Reserved.