ថ្ងៃសុក្រ ទី២៦ ខែមេសា ឆ្នាំ២០២៤
ថ្ងៃសុក្រ ទី២៦ ខែមេសា ឆ្នាំ២០២៤
ប្រទេសចិននៅថ្ងៃពុធ បានលើកឡើងថា សេចក្តីសម្រេចចិត្តរបស់រដ្ឋាភិបាលឥណ្ឌាដែលបន្តការហាមឃាត់ការប្រើប្រាស់Appរបស់ប្រទេសចិនចំនួន៥៩ គឺជាការល្មើសទៅនឹងច្បាប់អង្គការពាណិជ្ជកម្មពិភពលោក(WTO) ហើយការសម្រេចចិត្តនេះទៀតសោត នឹងប៉ះពាល់ដល់ក្រុមហ៊ុនជាច្រើនរបស់ប្រទេសចិន។
ការហាមឃាត់លើការប្រើប្រាស់Appរបស់ប្រទេសចិន បានចាប់ផ្តើមឡើងកាលពីឆ្នាំមុន នៅពេលដែលភាពតានតឹងនយោបាយរវាងប្រទេសអាស៊ីយក្សទាំងពីរនេះ បានកើនឡើង ដោយសារជម្លោះព្រំដែន។ នៅខែនេះ រដ្ឋាភិបាលឥណ្ឌាបានធ្វើការសម្រេចចិត្តរក្សាបំរាមលើTikTok ដែលជាAppរបស់ប្រទេសចិន ហើយនិងបណ្តា Appរបស់ប្រទេសចិនផ្សេងទៀត។
អ្នកនាំពាក្យស្ថានទូតចិន លោក Ji Rong បានលើកឡើងនៅក្នុងសេចក្តីថ្លែងការណ៍ថា «យើង ជម្រុញអោយភាគីឥណ្ឌាធ្វើការកែតម្រូវ ភ្លាមៗទៅលើវិធានការ រើសអើងរបស់ខ្លួន ហើយបញ្ជៀសបុព្វហេតុដែលនាំអោយខូចខាតបន្ថែមទៀតដល់ទំនាក់ទំនងទេរភាគីរវាងប្រទេសទាំងពីរ»។
ប្រែសម្រួល៖ណាវ័ន្ត