ថ្ងៃសៅរ៍ ទី២០ ខែមេសា ឆ្នាំ២០២៤
ថ្ងៃសៅរ៍ ទី២០ ខែមេសា ឆ្នាំ២០២៤
បាតុកម្មហិង្សាប្រឆាំងនឹងស្ថានភាពសេដ្ឋកិច្ច នៅក្នុងទីក្រុង ទ្រីប៉ូលី ប្រទេស លីបង់ បានឈានចូលដល់ថ្ងៃទី៣ហើយ។ ក្រុមអ្នកតវ៉ានៅទីក្រុងទ្រីប៉ូលី កាលពីថ្ងៃពុធ ដែលខឹងនឹងវិធានការបិទទ្វារដ៏តឹងរ៉ឹង ដែលពួកគេនិយាយថាបានធ្វើឱ្យពួកគេគ្មានមធ្យោបាយចិញ្ចឹមជីវិតដោយសារវិបត្តិសេដ្ឋកិច្ចនៅប្រទេសនេះ។
ក្រុមសាក្សីនិងមន្ត្រីប៉ូលិសបាននិយាយថា កម្លាំងសន្តិសុខបានបាញ់ឧស្ម័នបង្ហូរទឹកភ្នែកនិងគ្រាប់កាំភ្លើងជ័រទៅលើក្រុមអ្នកតវ៉ាដែលបានគប់ដុំថ្ម ចោលដបស្រា និងដុតបំផ្លាញរថយន្តមួយគ្រឿង ខណៈដែលមនុស្សរាប់សិបនាក់បានរងរបួស។ មន្ត្រីប៉ូលិសមិនបានបញ្ជាក់ភ្លាមៗទេថា តើមានការបាញ់គ្រាប់កាំភ្លើងពិតឬយ៉ាងណានោះទេ ប៉ុន្តែរូបភាពរបស់ទីភ្នាក់ងាររ៉យទ័របានបង្ហាញថា គេបានឃើញផ្កាភ្លើងផ្ទុះនៅលើដីដែលទំនងជាការផ្ទុះចេញពីគ្រាប់កាំភ្លើងពិត និងគេបានឮស្នូរកាំភ្លើង។
រដ្ឋាភិបាលប្រទេសលីបង់ បានដាក់បំរាមគោចររយៈពេល ២៤ ម៉ោងនៅដើមខែនេះ ក្នុងគោលបំណងដើម្បីទប់ស្កាត់ការផ្ទុះឡើងនៃជំងឺ ខូវីដ១៩ ដែលបានសម្លាប់មនុស្សជាង ២ ៥០០ នាក់នៅប្រទេសនេះ៕
ប្រែសម្រួល៖ SN
.jpg)
