ថ្ងៃសុក្រ ទី២៩ ខែមីនា ឆ្នាំ២០២៤
ថ្ងៃសុក្រ ទី២៩ ខែមីនា ឆ្នាំ២០២៤
នៅសល់មិនប៉ុន្មានថ្ងៃទៀតទេ កម្មវិធីបង្ហាញសមត្ថភាពកុមារដ៏លេចធ្លោ «តូច ខ្លឹម ខ្លាំង» នឹងចូលមកបំពេញចំណីចក្ខុប្រិយមិត្ត ភីអិនអិន ជាថ្មីម្ដងទៀតហើយ។ សម្រាប់ថ្ងៃអាទិត្យខាងមុខនេះ ធានាថាបងប្អូននឹងកាន់តែប្លែកភ្លែកប្លែកអារម្មណ៍ ជាមួយការបញ្ចេញសមត្ថភាពពីសំណាក់បេក្ខភាពទាំង ២របស់យើង ដែលពួកគេម្នាក់ៗសុទ្ធតែមានជំនាញផ្ទាល់ខ្លួនលើសពី ២មុខ ឬអាចនិយាយបានថា ពហុជំនាញតែម្ដង។
ប្អូនស្រី កែវ ទិត្យផល្លី វ័យ ១១ឆ្នាំ ដែលប្រិយមិត្តមួយចំនួនបានស្គាល់រួចមកហើយ តាមរយៈសមត្ថភាពច្រៀងរបស់គេ។ សម្រាប់ពេលនេះ ប្អូនស្រីមិនមកបង្ហាញគណៈកម្មការទាំង ៣ ត្រឹមតែសមត្ថភាពច្រៀងប៉ុណ្ណោះទេ គឺនាងថែមទាំងសម្ដែងអមបទចម្រៀងជាមួយពិធីករ-ពិធីការិនី រួមទាំងការចម្អិនម្ហូបពិតៗទៀតផង។
ងាកទៅបេក្ខភាពមួយរូបទៀតវិញ ប្អូនប្រុស ប៊ុណ្ណាលិ វ័យ ១៦ឆ្នាំ ជាយុវជនមានទេពកោសល្យខ្ពស់លើជំនាញស្គីកង់ (Roller) ដែលគេអាចជិះបត់បែនគេចពីឧបសគ្គយ៉ាងរស់រវើក គួរទាក់ភ្នែក។ លើសពីនេះ ប៉ុណ្ណាលិក ក៏មានសមត្ថភាពធ្វើភ្លេង និងច្រៀងបទចម្រៀងតែងនិពន្ធដោយខ្លួនគេផ្ទាល់ បានយ៉ាងពិរោះផងដែរ។
បែបណាក្ដី ភាពជោគជ័យរបស់បេក្ខភាពទាំង ២ នឹងត្រូវសម្រេចដោយគណៈកម្មការទាំង ៣ រួមមាន លោក ប៉ែន បូណា លោក អ៊ីណូ និងកញ្ញា ចរិយា។ ចង់ដឹងច្បាស់ថា ប្អូនប្រុសស្រីទាំង ២ អាចទទួលបានពាក្យ «តូច ខ្លឹម ខ្លាំង» អមដោយប្រាក់រង្វាន់ ១លាន ២សែនរៀល ត្រលប់ទៅវិញ ឬយ៉ាងណា? កុំភ្លេច! តាមដានទស្សនាកម្មវិធី «តូច ខ្លឹម ខ្លាំង» នាព្រឹកថ្ងៃអាទិត្យ ទី ៣១ មករាខាងមុខនេះ ចាប់ពីម៉ោង ១១ព្រឹកតទៅ។
នាំមកជូនជាពិសេសផ្តាច់មុខដោយ Freshy yogurt ឆ្ងាញ់ៗ ញ៉ាំមួយ បានប្រយោជន៍បី!