ថ្ងៃសុក្រ ទី១៩ ខែមេសា ឆ្នាំ២០២៤
ថ្ងៃសុក្រ ទី១៩ ខែមេសា ឆ្នាំ២០២៤
កម្មវិធីតាំងបង្ហាញម៉ូដសំលៀកបំពាក់សម្រាប់រដូវរំហើយ និងរដូវក្ដៅនៃឆ្នាំ ២០២១ របស់ម៉ាកសំលៀកបំពាក់ Chanel (ឆានែល) បានរៀបចំឡើងកាលពីថ្មីៗនេះ ដោយមិនបើក ឲ្យមានការចូលរួមច្រើនកុះករពីសំណាក់បុគ្គលល្បីៗដូចសព្វដងនោះទេ។
ម៉ាកសំលៀកបំពាក់បារាំង Chanel (ឆានែល) បានសម្រេចចិត្តរៀបចំកម្មវិធីតាំងបង្ហាញម៉ូដសំលៀកបំពាក់សម្រាប់រដូវរំហើយ និងរដូវក្ដៅប្រចាំឆ្នាំ ២០២១ របស់ខ្លួន ដោយធ្វើការតាំងបង្ហាញក្នុងបរិយាកាសមួយដូចជាការជួបជុំគ្រួសារ។
កម្មវិធីតាំងបង្ហាញម៉ូដនេះមានបុគ្គលិកល្បីឈ្មោះតិចតួចប៉ុណ្ណោះបានចូលរួម មិនមានការចូលរួមច្រើនកុះករពីសំណាក់អតិថិជន បុគ្គលមានឥទ្ធិពល ឬអ្នកនិពន្ធអត្ថបទប្រចាំសារព័ត៌មានល្បីៗដូចសព្វដងនោះទេ។
នេះក៏ដោយសារប្រទេសបារាំងនៅបន្តអនុវត្តន៍វិធានការរឹតត្បិតការជួបជុំដើម្បីកាត់បន្ថយការឆ្លងជំងឺកូវីដ១៩។
បុគ្គលល្បីឈ្មោះមួយចំនួនដែលបានចូលរួមផ្ទាល់មានដូចជាតារាសម្ដែង Penelope Cruz (ផេណេឡូប គ្រូស), Marion Cotillard (ម៉ារីអន ខុតធីលឡាត) និងតារាសម្ដែង Lily-Rose Depp (លីលី រ៉ូស ឌិប) ផងដែរ។
កម្មវិធីបង្ហាញម៉ូដនេះបានបិទបញ្ចប់ជាមួយកូនក្រមុំជិះសេះដោយមានស្លៀកពាក់នូវឈុតសំលៀកបំពាក់ Chanel (ឆានែល) ដែលមានការរចនាម៉ូដប្រៀបដូចជាសំលៀកបំពាក់កាលទសវត្សឆ្នាំ ១៩២០ រួចហើយអ្នកច្នៃម៉ូដសំលៀកបំពាក់ដែលច្នៃម៉ូដសំលៀកបំពាក់ក្នុងកម្មវិធីបង្ហាញម៉ូដនេះបានធ្វើការលាគ្នាទៅកាន់ទស្សនិកជនដែលទស្សនាតាមរយៈអនឡាញ៕
ប្រែសម្រួល៖ វ៉ាន់ថន