ជំងឺផ្តាសាយបក្សី ផ្ទុះឡើងនៅភូមិព្រែកតាច្រែង ខេត្តបាត់ដំបង

ក្រសួងកសិកម្ម រុក្ខាប្រមាញ់ និងនេសាទ បានសម្រេចកំណត់តំបន់ជំងឺផ្តាសាយបក្សី មួយកន្លែង ស្ថិតក្នុងភូមិព្រែកតាច្រែង ឃុំព្រែកនរិន្ទ ស្រុកឯកភ្នំ ខេត្តបាត់ដំបង។ ជាមួយនឹងការកំណត់នេះ ក្រសួង តម្រូវឲ្យបំផ្លាញចោលចំពោះបក្សីគ្រប់ប្រភេទ នៅក្នុងតំបន់ផ្ទុះជំងឺ តាមវិធានបច្ចេកទេសបសុពេទ្យ និងផ្អាកជាបណ្តោះអាសន្ន លើការទិញការលក់ ឬការដឹកជញ្ជូនបក្សីគ្រប់ប្រភេទចេញចូល ឬឆ្លងកាត់ពីរង្វង់ ៣គីឡូម៉ែត្រ ជុំវិញកន្លែងផ្ទុះជំងឺ។

ស្របគ្នាជាមួយការកំណត់តំបន់ផ្ទុះជំងឺផ្តាសាយបក្សី មួយកន្លែង ស្ថិតក្នុងភូមិព្រែកតាច្រែង ឃុំព្រែកនរិន្ទ ស្រុកឯកភ្នំ ខេត្តបាត់ដំបង ក្រសួងកសិកម្ម រុក្ខាប្រមាញ់ និងនេសាទ បានតម្រូវឲ្យអគ្គនាយកដ្ឋានសុខភាពសត្វ ផលិតកម្មសត្វ ចាត់វិធានការបសុព្យាបាលនៅតំបន់ផ្ទុះជំងឺផ្តាសាយបក្សីដោយបំផ្លាញចោលចំពោះបក្សីគ្រប់ប្រភេទ នៅក្នុងតំបន់ផ្ទុះជំងឺតាមវិធានបច្ចេកទេសបសុពេទ្យ និងផ្អាកជាបណ្តោះអាសន្ន លើការទិញការលក់ ឬការដឹកជញ្ជូនបក្សីគ្រប់ប្រភេទចេញចូល ឬឆ្លងកាត់ពីរង្វង់កាំ ៣គីឡូម៉ែត្រ ជុំវិញកន្លែងផ្ទុះជំងឺខាងលើ។

ជាមួយគ្នានេះ ក្រសួងកសិកម្ម រុក្ខាប្រមាញ់ និងនេសាទ ក៏តម្រូវអោយសិក្សាស្រាវជា្រវប្រភពជំងឺផ្តាសាយបក្សីក្នុងរយៈពេល៣០ថ្ងៃ និងត្រួតពិនិត្យឃាំ្លមើលចលនាបក្សីជាប្រចាំក្នុងរង្វង់ ដែលមានកាំប្រវែង១០គីឡូម៉ែត្រពីចំណុចផ្ចិតនៃតំបន់ផ្ទុះជំងឺ។ ដោយឡែក ការអនុញ្ញាតចិញ្ចឹម ទិញលក់ ឬការដឹកជញ្ជូនបក្សីគ្រប់ប្រភេទឡើងវិញ និងការរំសាយតំបន់ជំងឺជាថ្មី ត្រូវកំណត់ដោយប្រកាសជាថ្មី។

គួររំលឹក ក្រសួងកសិកម្ម រុក្ខាប្រមាញ់ និងនេសាទ បានបង្ហាញថា លទ្ធផលធ្វើតេស្ដលើសំណាកសត្វមាន់ដែលងាប់ជាង ១០០០ក្បាល នៅភូមិព្រែកតាច្រែង ឃុំព្រែកនរិន្ទ ស្រុកឯកភ្នំ ខេត្តបាត់ដំបង គឺជាគ្រុនផ្តាសាយបក្សី (H5N1) ។ ក្រោយការបង្ហាញលទ្ធផលនេះ កាលពីថ្ងៃទី១២ ខែមករា ម្សិលមិញ ក្រុមគ្រូពេទ្យរបស់ក៏បានចុះយកសំណាកកម្មករពីរនាក់ដែលមើលថែមាន់ក្នុងកសិដ្ឋានដែលមានផ្ទុះជំងឺផ្តាសាយបក្សី ផ្ញើមកវិទ្យាស្ថានប៉ាស្ទ័រ ធ្វើតេស្តរកថាតើ មានឆ្លងជំងឺផ្តាសាយបក្សីប្ញអត់ ខណៈដែរជំងឺនេះជាប្រភេទជំងឺឆ្លងពីមាន់ទៅមនុស្ស ។

គួរបញ្ជាក់ថា កសិដ្ឋានចិញ្ចឹមមាន់ដែលមានផ្ទុះជំងឺផ្តាសាយបក្សី គឺបានចិញ្ចឹមមាន់រយៈ១ខែមកហើយ ដែលនាំចូលពូជពីក្រុមហ៊ុនមួយរបស់ប្រទេសវៀតណាមចំនួន១៣០០ក្បាល និងមាន់ស្រែ២០០ក្បាល ទាកប៉ាជាង២០០ក្បាល និងក្ងានមួយចំនួន ។ មាន់នៅក្នុងកសិដ្ឋាននេះ បានចាប់ផ្តើមឈឺងាប់ពីថ្ងៃទី៣១ ខែធ្នូ ដល់ថ្ងៃទី៥ មករា គឺងាប់ទាំងអស់តែម្តងហើយមាន់ ដែលងាប់ទាំងនេះត្រូវបានមន្រ្តីជំនាញបានចុះមកណែនាំអោយកប់ចោល និងបានបាញ់ថាំសម្លាប់មេរោគជុំវិញកសិដ្ឋានផងដែរ៕

អត្ថបទ៖ សន រដ្ឋា រូបភាព៖ ឯកសារ

ព័ត៌មានដែលទាក់ទង

ព័ត៌មានជាតិ

A PHP Error was encountered