ថ្ងៃសុក្រ ទី១៩ ខែមេសា ឆ្នាំ២០២៤
ថ្ងៃសុក្រ ទី១៩ ខែមេសា ឆ្នាំ២០២៤
ក្រសួងធនធានទឹក និងឧតុនិយម នៅថ្ងៃទី ៨ ខែមករានេះ បានប្រកាសថា ប្រទេសកម្ពុជាទទួលរងនូវអាកាសធាតុចុះត្រជាក់ខ្លាំង ចាប់ពីថ្ងៃទី០៩ ដល់ថ្ងៃទី១៧ ខែមករា ជាពិសេសតំបន់ជួរភ្នំដងរែក និងតំបន់ខ្ពង់រាបភាគឦសាន សីតុណ្ហភាពអប្បបរមា នឹងអាចធ្លាក់ចុះមកនៅក្នុងរង្វង់ពី ១១អង្សាសេ ទៅ ១៣អង្សាសេ លាយឡំជាមួយខ្យល់ខ្លាំង។ ក្រសួងធនធានទឹក និងឧតុនិយម បានអោយដឹងថា មូលហេតុដែលធ្វើអោយអាកាសធាតុចុះត្រជាក់ខ្លាំងនេះ ដោយសារទ្រនុងសម្ពាធខ្ពស់ពីភាគខាងជើង បាន និងកំពុងធ្លាក់ចុះមកក្រោម នាំមកនូវធាតុត្រជាក់ ពីតំបន់ស៊ីប៊ីរី គួបផ្សំជាមួយនឹងខ្យល់មូសុងឦសានខ្លាំង។
ដោយសារទ្រនុងសម្ពាធខ្ពស់ពីភាគខាងជើង បាននិងកំពុងធ្លាក់ចុះមកក្រោម នាំមកនូវធាតុត្រជាក់ ពីតំបន់ស៊ីប៊ីរី គួបផ្សំជាមួយនឹងខ្យល់មូសុងឦសានខ្លាំង នឹងធ្វើអោយអាកាសធាតុ ទទួលរងអាកាសធាតុចុះត្រជាត់ខ្លាំង ចាប់ពីថ្ងៃទី០៩ ដល់ថ្ងៃទី១៧ ខែមករា។ នេះបើយោងតាមសេចក្តីប្រកាសព័ត៌មានរបស់ក្រសួងធនធានទឹក និងឧតុនិយម នៅថ្ងៃទី ៨ ខែមករានេះ។
ក្រសួងធនធានទឹក និងឧតុនិយម បានអោយដឹងទៀតថា លក្ខណៈបែបនេះ នឹងធ្វើអោយតំបន់វាលទំនាបនៃប្រទេសកម្ពុជា មានសីតុណ្ហភាពអប្បបរមានឹងអាចធ្លាក់ចុះមកនៅក្នុងរង្វង់ពី ១៣ អង្សាសេ ទៅ១៥ អង្សាសេ លាយឡំជាមួយខ្យល់មធ្យម។ សម្រាប់រាជធានីភ្នំពេញ សីតុណ្ហភាពអប្បបរមា នឹងអាចធ្លាក់ចុះមកនៅក្នុងរង្វង់ ១៦អង្សាសេ ។ តំបន់ជួរភ្នំដងរែក និងតំបន់ខ្ពង់រាបភាគឦសាន សីតុណ្ហភាពអប្បបរមានឹងអាចធ្លាក់ចុះមកនៅក្នុងរង្វង់ពី ១១អង្សាសេ ទៅ ១៣អង្សាសេ លាយឡំជាមួយខ្យល់ខ្លាំង។
ដោយឡែក តំបន់មាត់សមុទ្រ សីតុណ្ហភាពអប្បបរមា នឹងអាចធ្លាក់ចុះមកនៅក្នុងរង្វង់ពី ១៧អង្សាសេ ទៅ ១៩អង្សាសេ ហើយនៅថ្ងៃទី១២ ខែមករា នៅលើផ្ទៃសមុទ្រមានខ្យល់បក់បោកខ្លាំង និងរលកសមុទ្រខ្ពស់ៗ ។
យោងលើស្ថានភាពអាកាសធាតុបែបនេះ ក្រសួងធនធានទឹក និងឧតុនិយម ក៏បានអំពាវនាវ ដល់សាធារណជន ជាពិសេសវីរៈកងទ័ពដែលរស់នៅ និងឈរជើងនៅតំបន់ជួរភ្នំដងរែក និងខ្ពង់រាបភាគឦសាន ត្រូវបង្កើនការយកចិត្តទុកដាក់ថែរក្សាសុខភាពចំពោះអាកាសធាតុចុះត្រជាក់ខ្លាំងនេះ។
ដោយឡែក ប្រជានេសាទ និងអ្នកធ្វើដំណើរតាមសមុទ្រទាំងអស់ ត្រូវបង្កើនការយកចិត្តទុកដាក់ ប្រុងប្រយ័ត្នខ្ពស់ ដើម្បីចៀសវាងនូវគ្រោះថ្នាក់ផ្សេងៗ ដែលអាចកើតមានឡើងជាយថាហេតុ៕
អត្ថបទ៖ សន រដ្ឋា រូបភាព៖ ឯកសារ