ថ្ងៃសៅរ៍ ទី២០ ខែមេសា ឆ្នាំ២០២៤
ថ្ងៃសៅរ៍ ទី២០ ខែមេសា ឆ្នាំ២០២៤
នៅថ្ងៃនេះ ក្រសួងការងារ និងបណ្តុះបណ្តាលវិជ្ជាជីវៈ បានប្រកាសពីការបើកប្រាក់ឧបត្ថម្ភ ជូនកម្មករនិយោជិតជាង ១៦ ០០០នាក់ នៅរោងចក្រ សហគ្រាស ចំនួន ៩៦ ក្នុងវិស័យកាត់ដេរ និងវិស័យទេសចរណ៍។ កម្មករនិយោជិតទាំងនេះ ត្រូវបានព្យួរកិច្ចសន្យាការងារ ស្របតាមស្មារតីនៃកញ្ចប់វិធានការរបស់រាជរដ្ឋាភិបាល។
ក្នុងចំណោមបងប្អូនកម្មករទាំង១៦,៦៨១នាក់ មកពីរោងចក្រសហគ្រាសទាំង៩៦ ដែលព្យួរការងារនេះ គឺវិស័យកាត់ដេរ និងវិស័យទេសចរណ៍។ មិនខុសពីសព្វដង ប្រាក់ឧបត្ថម្ភរបស់រាជរដ្ឋាភិបាលនឹងត្រូវបើកផ្តល់ ជាប្រាក់រៀល និងអាស្រ័យលើចំនួនថ្ងៃនៃការព្យួរកិច្ចសន្យាការងារ ដោយកម្មករនយោជិតទទួលបានចាប់ពី១៥ដុល្លារដល់៤០ដុល្លារអាម៉េរិក។
ក្រសួងការងារបញ្ជាក់ទៀតថា ប្រសិនជាបងប្អូនមិនបានទៅបើកប្រាក់ក្នុងការកំណត់១០ថ្ងៃបន្ទាប់ពីបានទទួលសារតាម ទូរសព្ទពីធនាគារឯកទេសវីងទេនោះ ធនាគារនឹងបង្វិលប្រាក់ឧបត្ថម្ភនេះជូនរាជរដ្ឋាភិបាលវិញ ។ ដើម្បីបើកប្រាក់ឧបត្ថម្ភនេះ បងប្អូនត្រូវយកអត្តសញ្ញាណបណ្ណសញ្ជាតិខ្មែរ និងទូរសព្ទដែលទទួលបាន សារនោះទៅ កាន់ភ្នាក់ងារវីង និងមិនតម្រូវឱ្យបង់ថ្លៃសេវាអ្វីឡើយពេលបើកប្រាក់ឧបត្ថម្ភនេះ។
ក្នុងករណី បងប្អូនកម្មករនិយោជិត ដែលបម្រើការងារនៅរោងចក្រ សហគ្រាសទាំង៩៦នេះ មិនបានទទួលសារទូរសព្ទ ពីធនាគារ ឯកទេសវីងទេនោះ កម្មករនយោជិតអាចសួរព័ត៌មានបន្ថែម ឬធ្វើបច្ចុប្បន្នភាពលេខទូរសព្ទរបស់ខ្លួនទៅរដ្ឋបាល រោងចក្រសហគ្រាសរបស់ខ្លួនជាបន្ទាន់។
បើតាមមន្ត្រីជាន់ខ្ពស់ក្រសួងការងារ គិតចាប់ពីខែកុម្ភៈ រហូតដល់ពេលនេះ រាជរដ្ឋាភិបាលបានចំណាយថវិកាជាច្រើនលានដុល្លារហើយ បើកជូនដល់បងប្អូនកម្មករនយោជិតក្នុងវិស័យវាយនភណ្ឌ និងទេសចរណ៍ ដែលត្រូវបានព្យូរកិច្ចសន្យាការងារដោយសារតែឥទ្ធិពលវិបត្តិកូវីត១៩។ បន្ទាប់វិបត្តិជំងឺសកលកូវីត១៩ បានធ្វើអោយការនាំចេញផលិតផលសំលៀកបំពាក់ និងស្បែែកជើងពីកម្ពុជាទៅកាន់ទីផ្សារអឺរ៉ុប និងសហរដ្ឋអាមេរិកមានការធ្លាក់ចុះ រោងចក្រកាត់ដេរមួយចំនួនបានព្យូរកិច្ចសន្យាការងារដល់កម្មករនយោជិត។
ទោះបីជាយ៉ាងណា អ្នកនាំពាក្យក្រសួងការងារឯកឧត្ដម ហេង សួរ បច្ចុប្បន្នរោងចក្រដែលបានព្យូរការងារជាប្រចាំថ្ងៃមានការថយចុះច្រើន បើប្រៀបធៀបទៅនឹងខេមេសា ឧសភា និងមិថុនាកន្លងទៅ។ ចំណែក កម្មករនយោជិត ដែលត្រូវបានព្យូរកិច្ចសន្យាការងារនៅសល់តែប្រមាណ៥ម៉ឺននាក់ ដែលមានការធ្លាក់ចុះដូចគ្នា។ រាជរដ្ឋាភិបាលភិបាលកម្ពុជា នៅតែបន្តគិតគួរដល់ជីវភាពកម្មករនយោជិតដោយផ្ដល់ប្រាក់ឧបត្តមជាបន្តបន្ទាប់រហូតទាល់តែមានសេចក្ដីសម្រេចថ្មី។
សូមបញ្ជាក់ថា កន្លងមកប្រមុខរាជរដ្ឋាភិបាល បានបញ្ជាក់ថា រាជរដ្ឋាភិបាលបានត្រៀមកញ្ចប់ថវិកាចំនួន ៨០០-២០០០លានដុល្លារ រួចជាស្រេច ដើម្បីទប់ទល់នូវវិបត្តិកូវីដ១៩ រយៈពេលវែង ។ ហើយរាជរដ្ឋាភិបាលនៅតែបន្តផ្ដល់ប្រាក់ឧបត្ថម្ភដល់កម្មករនយោជិតដែលរងការព្យូរកិច្ចសន្យាការងាររហូតទាល់តែមានសេចក្ដីសម្រេចជាថ្មី៕
អត្ថបទ៖ សំ ជំនាញ រូបភាព៖ និន សុខលី និងរូបឯកសារ