ថ្ងៃព្រហស្បតិ៍ ទី២៥ ខែមេសា ឆ្នាំ២០២៤
ថ្ងៃព្រហស្បតិ៍ ទី២៥ ខែមេសា ឆ្នាំ២០២៤
នៅកោះតៃវ៉ាន់ កាលពីថ្ងៃអាទិត្យដើម្បី បាតុកររាប់រយនាក់បានស្លៀកពាក់ពណ៌ខ្មៅ ដោយអ្នកខ្លះបានកាន់បដាដែលទាមទារឲ្យមានការដោះលែងភ្លាមៗនូវពលរដ្ឋហុងកុងចំនួន ១២ នាក់ ហើយខ្លះទៀតបានជាន់ទង់ជាតិចិនដើម្បីបង្ហាញពីការមិនពេញចិត្តចំពោះបក្សកុម្មុយនិស្តចិននេះ។
អ្នកតវ៉ាតៃវ៉ាន់អាយុ៣៤ឆ្នាំម្នាក់បាននិយាយថា បក្សកុម្មយនិស្តចិនបានដកហូតសេរីភាពនៅទីក្រុងហុងកុង ហើយសព្វថ្ងៃកំពុងធ្វើបែបនេះទៀតនៅកោះតៃវ៉ាន់ដូច្នេះហើយពលរដ្ឋតៃវ៉ាន់ត្រូវតែបោះជំហានទៅរកការគាំទ្រក្រុងហុងកុង។ អ្នកតវ៉ារូបនេះបានបន្ថែមទៀតថា ថ្ងៃនេះបានកើតឡើងនៅទីក្រុងហុងកុង ហើយថ្ងៃស្អែកនឹងអាចកើតឡើងនៅកោះតៃវ៉ាន់។ កោះតៃវ៉ាន់នឹងអាចមានវាសនាដូចជាទីក្រុងហុងកុងប្រសិនបើពលរដ្ឋតៃវ៉ាន់មិនព្រមក្រោកឈរបន្តជំហានទៅមុខទៀតនោះទេ។
សូមរំលឹកថា ពលរដ្ឋហុងកុងទាំង ១២ នាក់នេះត្រូវបានចាប់ខ្លួនកាលពីថ្ងៃទី២៣ ខែសីហាចំពោះការឆ្លងដែនចូលក្នុងចិនដីគោកខុសច្បាប់ក្រោយពីពួកគេបានចេញពីក្រុងហុងកុង តាមទូកឆ្ពោះទៅកោះតៃវ៉ាន់ក្នុងពេលមានការបង្រ្កាបពីរដ្ឋាភិបាលក្រុងប៉េកាំងទៅលើក្រុមសកម្មជនគាំទ្រប្រជាធិបតេយ្យនៅទីក្រុងហុងក្រុងដែលជាអតីតដែនដីអាណានិគមន៍របស់អង់គ្លេស។ អាជ្ញាធរក្រុងហុងកុងបាននិយាយថា ការចាប់ខ្លួនមនុស្ស១២នាក់នេះគឺសង្ស័យថាបានប្រព្រឹត្តឧក្រិដ្ឋកម្មរួមមានការផលិតឬកាន់កាប់គ្រឿងផ្ទុះ ការដុតបំផ្លាញ និងកុបកម្មនៅទីក្រុងហុងកុង៕
ប្រែសម្រួល៖ SN