ថ្ងៃសុក្រ ទី២៩ ខែមីនា ឆ្នាំ២០២៤
ថ្ងៃសុក្រ ទី២៩ ខែមីនា ឆ្នាំ២០២៤
ភូមិស៊ីថា (Sitha) ស្ថិតនៅក្នុងរដ្ឋសាន ចម្ងាយជាង២គីឡូម៉ែត្រពីទីក្រុងនីយ៉ុងស្វេ (Nyaungshwe) ប្រទេសមីយ៉ាន់ម៉ា។ គេត្រូវធ្វើដំណើរដោយម៉ូតូ ឬទូក ទើបទៅដល់ទីនោះបាន។ អ្នកភូមិនេះជាមនុស្សស្លូតត្រង់ និងខិតខំបំពេញការងារចិញ្ចឹមជីវិត ដោយដាំដំណាំ និងចិញ្ចឹមសត្វ អ្នកខ្លះប្រកបរបរជាអ្នកនេសាទ។
នៅក្នុងភូមិនេះ ការត្បាញកន្ទេលពីដើមត្រែង ឬយើងហៅថាកន្ទេលដើមត្រែង ជាមុខរបរតាំងពីបុរមបុរាណ និងជាមុខរបរដែលជួយឲ្យអ្នកភូមិរកប្រាក់កម្រៃចិញ្ចឹមគ្រួសារ។
កន្ទេលដើមត្រែងជាផលិតផលសំខាន់ជាងគេនៅក្នុងភូមិ។ ដើមត្រែងដែលជាវត្ថុធាតុដើមសម្រាប់ត្បាញកន្ទេល អាចរកបានពីចម្ការត្រែង ដែលដុះដោយធម្មជាតិនៅក្បែរភូមិ។ ដំបូង គេត្រូវយកដើមត្រែងទៅកិនឲ្យរាបស្មើសាច់។ បន្ទាប់មក យកដើមត្រែងទៅត្បាញ។ នៅក្នុងគ្រួសារនីមួយៗ អ្នកនៅក្នុងផ្ទះទាំងអស់រួមគ្នាត្បាញកន្ទេល។ កន្ទេលនេះមានបីទំហគឺ៖ ខ្នាតតូច ខ្នាតមធ្យម និងខ្នាតធំ។ គេប្រើពេល២ម៉ោង អាចត្បាញបានកន្ទេលដើមត្រែងមួយ ដោយប្រើដើមត្រែង៣រយដើម។
កន្ទេលទាំងនេះយកទៅលក់នៅទីផ្សារក្នុងស្រុក ក្នុងមួយកន្ទេលតម្លៃចន្លោះពី៣,៨ដុល្លារទៅ៦ដុល្លារ អាស្រ័យទៅលើទំហំ។ កន្ទេលដើមត្រែងត្រូវបានត្បាញមានទម្រង់តែមួយដូចៗគ្នាទាំងអស់។ គេអាចប្រើវាជាកម្រាលក៏បាន ឬប្រើជាពិតានដំបូលក៏បាន ព្រោះកន្ទេលនេះមិនជ្រាបទឹក និងមិនឆ្លងចរន្តអគ្គិសនីទេ៕
ប្រែសម្រួល៖ អន សំអាង