ថ្ងៃសៅរ៍ ទី២០ ខែមេសា ឆ្នាំ២០២៤
ថ្ងៃសៅរ៍ ទី២០ ខែមេសា ឆ្នាំ២០២៤
ប៉ូលិសនៅទីក្រុង ដែលី ប្រទេស ឥណ្ឌា បាននិយាយថា អ្នកកាសែតឈ្មោះ រ៉ាជីវ សាម៉ា អាយុ ៦១ ឆ្នាំត្រូវបានចាប់ខ្លួននៅដើមសប្ដាហ៍នេះ ហើយមន្ត្រីប៉ូលិសបានរឹបអូសយកឯកសារសម្ងាត់មួយចំនួនពីក្នុងផ្ទះរបស់អ្នកកាសែតរូបនេះដែលពាក់ព័ន្ធនឹងនាយកដ្ឋានការពារជាតិនៅប្រទេស ឥណ្ឌា។
ស្ត្រីជនជាតិចិនម្នាក់ និងដៃគូជាជនជាតិនេប៉ាល់ របស់នាងម្នាក់ទៀត ក៏ត្រូវបានចាប់ខ្លួនចំពោះផ្គត់ផ្គង់ឲ្យលោក សាម៉ា ជាមួយ «ទឹកប្រាក់ជាច្រើន» ចំពោះ «ការលួចផ្ញើព័ត៌មានទៅឲ្យមន្ត្រីចារកម្មរបស់ប្រទេសចិន»។
លោក សានជីវ គូម៉ា យ៉ាដាវ ស្នងការប៉ូលិសរងនៅទីក្រុង ដែលី បានប្រាប់អ្នកកាសែតថា ប៉ូលិសបានស៊ើបអង្កេតដឹងថា អ្នកកាសែតរូបនេះបានទាក់ទងជាមួយមន្ត្រីចារកម្មចិនដោយបានសន្យាថា នឹងលួចផ្ញើព័ត៌មានការពារជាតិសំខាន់ៗទៅឲ្យមន្ត្រីចារកម្មរបស់ចិន។
ការចាប់ខ្លួននេះបានធ្វើឡើងនៅចំពេលមានភាពតានតឹងខ្លាំងរវាងភាគីឥណ្ឌា និងភាគីចិន នៅព្រំដែនរួមគ្នានៅតំបន់ភ្នំហេមពាន្ត ហើយទំនាក់ទំនងរវាងភាគីទាំង២នេះបានធ្លាក់ចុះយ៉ាងខ្លាំងតាំងពីមានការប៉ះទង្គិចគ្នាកាលពីខែមិថុនា ដែលឥណ្ឌានិយាយថា បានសម្លាប់ទាហានរបស់ខ្លួនចំនួន ២០ នាក់៕
ប្រែសម្រួល៖ SN