ថ្ងៃព្រហស្បតិ៍ ទី២៥ ខែមេសា ឆ្នាំ២០២៤
ថ្ងៃព្រហស្បតិ៍ ទី២៥ ខែមេសា ឆ្នាំ២០២៤
តារាសម្ដែងបូលីវូដនាង Rhea Chakraborty (រៀ ឆាក្រា-ប-ទី) ត្រូវបានប៉ូលិសឥណ្ឌាចាប់ខ្លួនកាលពីថ្ងៃអង្គារ ដែលគេបានចោទប្រកាន់ថានាងមានជាប់ទាក់ទងនឹងការស្លាប់របស់មិត្តប្រុសខ្លួន ដែលជាតារាសម្ដែងល្បីម្នាក់ដូចគ្នា។
តារាសម្ដែងបូលីវូដនាង Rhea Chakraborty (រៀ ឆាក្រា-ប-ទី) ត្រូវបានទីភ្នាក់ងារកម្ចាត់គ្រឿងញៀនរបស់ប្រទេសឥណ្ឌា ចាប់ខ្លួននៅក្នុងទីក្រុងម៉ុមបៃប្រទេសឥណ្ឌាកាលពីថ្ងៃអង្គារកន្លងទៅ។
តារាសម្ដែងជនជាតិឥណ្ឌារូបនេះ ត្រូវបានមន្ត្រីរបស់ទីភ្នាក់ងារកម្ចាត់គ្រឿងញៀន ធ្វើការស៊ើបអង្កេត ពីការជាប់ទាក់ទងនឹងការស្លាប់របស់មិត្តប្រុសនាង ជាតារាសម្ដែងបូលីវូដដូចគ្នាមានឈ្មោះថា Sushant Singh Rajput (ស៊ូសាន-ស៊ីង-រ៉ាច់ពុត) ដែលបានស្លាប់កាលពីថ្ងៃទី១៤ ខែមិថុនាកន្លងទៅ។
ការស៊ើបអង្កេតលើ នាង Rhea Chakraborty (រៀ ឆាក្រា-ប-ទី) គឺក្រោយពីក្រុមគ្រួសាររបស់ Sushant (ស៊ូសាន) បានចោទប្រកាន់ថានាងជាអ្នកធ្វើឲ្យមិត្តប្រុសរបស់ខ្លួនស្លាប់។ គួរដឹងថាតារាសម្ដែង Sushant Rajput (ស៊ូសាន រ៉ាច់ពុត) ដែលល្បីល្បាញខ្លាំងតាមរយៈការសម្ដែងជាតួឯកក្នុងរឿងភាគ “ជីវិតស្ត្រីមេផ្ទះ” ត្រូវបានគេប្រទះឃើញថាស្លាប់ដោយការចងក ជាប់នឹងកង្ហារពិដានក្នុងផ្ទះរបស់ខ្លួន។
ក្នុងរបាយការណ៍របស់ការិយាល័យស៊ើបអង្កេតរបស់ឥណ្ឌាដែលសរសេរកាលពីខែមុន បានធ្វើការចោទប្រកាន់នាង Rhea Chakraborty (រៀ ឆាក្រា-ប-ទី) ពីបទញុះញង់ឲ្យមានការធ្វើអត្តឃាត, ការសមគំនិតឧក្រិដ្ឋកម្ម និងពីបទចោរកម្មផងដែរ៕
ប្រែសម្រួល៖ វ៉ាន់ថន