ថ្ងៃពុធ ទី១៧ ខែមេសា ឆ្នាំ២០២៤
ថ្ងៃពុធ ទី១៧ ខែមេសា ឆ្នាំ២០២៤
រដ្ឋមន្ត្រីក្រសួងសុខាភិបាលសហរដ្ឋអាមេរិក នៅក្នុងដំណើរទស្សនកិច្ចដ៏កម្រទៅកោះតៃវ៉ាន់ បានពាំនាំនូវពាក្យពេចន៍ និងសារនយោបាយរបស់លោកត្រាំ ទៅជម្រាបជូនលោកស្រីឆាយអ៊ីងវេន (Tsai Ing-wen) មេដឹកនាំតៃវ៉ាន់ ដែលបានទប់ស្កាត់ការរីករាលដាលជំងឺខូវីដ១៩ប្រកបដោយប្រសិទ្ធភាពខ្ពស់។
តៃវ៉ាន់ តាមគំនិតរបស់ត្រាំ ជាដែនដីដែលចាត់ការលើជំងឺនេះស្ថិតក្នុងកម្រិតល្អប្រសើរជាងគេនៅលើពិភពលោក។ ដំណើរទស្សនកិច្ចរបស់រដ្ឋមន្ត្រីសុខាភិបាលរូបនេះក៏មានគោលដៅពង្រឹងកិច្ចសហការលើវិស័យជាច្រើន មានជាអាទិ៍សេដ្ឋកិច្ច និងសុខភាពសាធារណៈ និងការគាំទ្រចំពោះកោះតៃវ៉ាន់នៅក្នុងការប្រយុទ្ធប្រឆាំងនឹងជំងឺខូវីដ១៩។
គួរកត់សម្គាល់ថានៅក្នុងបញ្ហាខូវីដ១៩, អាជ្ញាធរកោះតៃវ៉ាន់បានស្រូតរូតទប់ទល់ និងបង្ការតាំងពីដំបូងដៃ ដោយឥតមានបង្អែរបង្អង់សូម្បីតែបន្តិច។ ដូចនេះ អត្រាឆ្លងរាលដាលមានកម្រិតទាប បើធៀបនឹងចំនួនប្រជាពលរដ្ឋរបស់កោះនេះ ដែលមានជាង២៣លាននាក់។ ពេលនេះ តៃវ៉ាន់មានអ្នកឆ្លងខូវីដ១៩សរុបចំនួន៤៨០នាក់ ស្លាប់៧នាក់ ជាសះស្បើយ៤៤៣នាក់។ ដូចនេះ អ្នកជំងឺដែលសម្រាកព្យាបាលនៅមន្ទីរពេទ្យបានថយចុះមកនៅ៣០នាក់៕
ប្រែសម្រួល៖ អន សំអាង
.jpg)
