ថ្ងៃពុធ ទី២៤ ខែមេសា ឆ្នាំ២០២៤
ថ្ងៃពុធ ទី២៤ ខែមេសា ឆ្នាំ២០២៤
ក្រុមអ្នកតវ៉ាកាលពីថ្ងៃអាទិត្យបានស្រែកអំពាវនាវឲ្យបញ្ចប់របបរាជានិយមនៅប្រទេសអេស្ប៉ាញក្រោយពីអតីតព្រះមហាក្សត្រ វ៉ាន ខាឡូស (Juan Carlos) ចាកចេញពីប្រទេសអេស្ប៉ាញនៅសប្ដាហ៍នេះចំពេលមានរឿងអាស្រូវពុករលួយ។
អតីតព្រះមហាក្សត្រ វ៉ាន ខាឡូស ដែលបានប្រគល់រាយទៅឲ្យចៅរបស់ទ្រង់គឺព្រះអង្គម្ចាស់ ហ្វីលីប នៅឆ្នាំ២០១៤នោះបានប្រកាសភ្លាមៗពីការសម្រេចចិត្តរបស់ព្រះអង្គក្នុងការចាកចេញពីប្រទេសនេះនៅថ្ងៃចន្ទនេះប៉ុន្តែទ្រង់មិនបានបញ្ជាក់ជាផ្លូវការពីទីកន្លែងដែលព្រះអង្គនឹងត្រូវធ្វើដំណើរទៅនោះទេ។
ការតវ៉ាប្រឆាំងក្រុមគ្រួសាររាជវង្សបានរាលដាលនៅទូទាំងប្រទេសអេស្ប៉ាញតាំងពីមានការចាកចេញរបស់អតីតព្រះមហាក្សត្រអង្គនេះដោយប្រជាពលរដ្ឋប្រហែល ១០០ នាក់បានធ្វើបាតុកម្មនៅទីក្រុង វ៉ាឡិនស៊ី កាលពីថ្ងៃអាទិត្យ ហើយការតវ៉ាបន្ថែមទៀតគ្រោងនឹងធ្វើនៅកោះ ម៉ាឡូខា នៅសប្ដាហ៍នេះក្នុងពេលដែលព្រះមហាក្សត្រ ហ្វីលីប ទ្រង់យាងនៅកាន់កោះនេះ។
លទ្ធផលធ្វើប្រជាមតិកាលពីថ្ងៃអាទិត្យបានបង្ហាញថា អ្នកបោះឆ្នោតចំនួន ៦៣.៣% មិនពេញចិត្តចំពោះការចាញចេញរបស់អតីតព្រះមហាក្សត្រដែលមានព្រះជន្ម ៨២ វស្សាខណៈដែលចំនួន ២៧.២%បានគាំទ្រចំពោះការចាកចេញរបស់ព្រះអង្គ។
សូមរំលឹកថា កាលពីខែមិថុនា តុលាការកំពូលរបស់ប្រទេសអេស្ប៉ាញបានបើកការស៊ើបអង្កេតបឋមក្នុងការពាក់ព័ន្ធរបស់ព្រះមហាក្សត្រ ខាឡូស នៅក្នុងកិច្ចសន្យាសាងសង់ផ្លូវរថភ្លើងល្បឿនលឿននៅប្រទេសអារ៉ាប៊ីសាអ៊ូឌីតក្រោយពីកាសែតនៅប្រទេសស្វីសបានរាយការណ៍ថា ព្រះអង្គបានទទួលប្រាក់ចំនួន ១០០ លានដុល្លារអាមេរិកពីព្រះមហាក្សត្រនៅប្រទេសអារ៉ាប៊ីសាអ៊ូឌីត៕
ប្រែសម្រួល៖SN
