ថ្ងៃព្រហស្បតិ៍ ទី២៨ ខែមីនា ឆ្នាំ២០២៤
ថ្ងៃព្រហស្បតិ៍ ទី២៨ ខែមីនា ឆ្នាំ២០២៤
តារាចម្រៀង និងជាតារាសម្ដែង Selena Gomez បានសំងំធ្វើម្ហូបជាច្រើនមុខក្នុងកំលុងពេលត្រូវស្នាក់នៅផ្ទះដោយសារការផ្ទុះជំងឺកូវីដ១៩ ហើយនាងបានត្រៀមរួចរាល់ក្នុងការចែករំលែកសកម្មភាពនៃធ្វើការធ្វើម្ហូបរបស់ខ្លួន ជាមួយអ្នកគាំទ្រទូទាំងពិភពលោក។
ម្ចាស់បទ “Love you like a love song” នឹងបង្ហាញខ្លួនតាមរយៈកម្មវិធីថ្មីមួយឈ្មោះថា Selena+Chef ដែលនឹងមានចាក់ផ្សាយចំនួន១០វគ្គ ហើយក្នុងវគ្គនីមួយៗនឹងមានវត្តមានរបស់ចុងភៅល្បីឈ្មោះ ដែលបង្រៀននាងក្នុងការចម្អិនម្ហូប។ កម្មវិធី Selena + Chef នេះ នឹងចាក់ផ្សាយលើសេវាកម្ម HBO Max ចាប់ពីថ្ងៃទី១៣ ខែសីហា។
កម្មវិធីចម្អិនម្ហូបនេះត្រូវបានថតឡើងដោយប្រើប្រាស់កាមេរ៉ាបញ្ជាពីចម្ងាយ និងថតនៅក្នុងផ្ទះបាយរបស់ Selena Gomez ដែលមានទីតាំងនៅក្នុងទីក្រុង Los Angeles រដ្ឋ California ជាផ្ទះដែល Selena និងតាយាយរបស់នាង រួមជាមួយមិត្តភ័ក្ដិបីនាក់ទៀត ស្នាក់នៅអំឡុងពេលផ្ទុះជំងឺកូវីដ១៩៕
ប្រែសម្រួល៖ វ៉ាន់ថន