ថ្ងៃព្រហស្បតិ៍ ទី២៥ ខែមេសា ឆ្នាំ២០២៤
ថ្ងៃព្រហស្បតិ៍ ទី២៥ ខែមេសា ឆ្នាំ២០២៤
បន្ទាប់ពីក្លាយជាជ័យលាភីលេខ១ ក្នុងកម្មិវិធី Miss Cambodia ២០១៧ កាលពីចុងសប្ដាហ៍កន្លងទៅ កញ្ញា រឿន ស៊ីណាត និយាយថា នាងបានត្រៀមខ្លួនរួចរាល់ហើយនាពេលនេះ ដើម្បីនាំកេរ្តិ៍ឈ្មោះប្រទេសកម្ពុជា ទៅកាន់ពិភពលោក នាពេលដ៏ខ្លីខាងមុខ។
កញ្ញាឯកវ័យ ២១ឆ្នាំរូបនេះ បន្តថា នាងពិតជាសប្បាយរីករាយបំផុត ហើយនឹកស្មានមិនដល់ថាអាចគ្រងមកុដនេះបានដូច្នេះ។ ការបញ្ជាក់ដូច្នេះ ដោយកញ្ញាលើកឡើងថាបេក្ខនារី ដែលចូលរួមប្រកួតប្រជែង គឺសុទ្ធសឹងតែមានសម្រស់ស្រស់ស្អាត ព្រមទាំងមានសមត្ថភាពដូចៗគ្នា។ យ៉ាងណាក៏ដោយ តាមរយៈការតាំងចិត្ត និងព្យាយាមខ្ពស់ ធ្វើឱ្យបេក្ខភាពមកពីខេត្ត កំពង់ចាម រូបនេះសម្រេចបាននូវគោលបំណងរបស់ខ្លួន។
កញ្ញា រឿន ស៊ីណាត លើកឡើងថា គោលដៅចម្បងរបស់កញ្ញាមួយទៀត គឺការបង្ហាញវត្តមានលើឆាកអន្តរជាតិ ដោយនាងចង់បង្ហាញពីភាពសម្បូរបែបនៃប្រទេសកម្ពុជា ទៅកាន់ឆាកអន្តរជាតិ ប្រសិនបើបានចូលរួមការប្រកួតប្រជែងកម្មវិធីលំដាប់ថ្នាក់អន្តរជាតិនានា។
កញ្ញា រឿន ស៊ីណាត បានក្លាយជាជ័យលាភីលេខ១ ក្នុងកម្មវីធី Miss Cambodia ២០១៧ កាលពីពេលថ្មីៗ បន្ទាប់ពីយកឈ្នះបេក្ខនារី ១៩នាក់ផ្សេងទៀត។ កញ្ញានឹងតំណាងឱ្យ កម្ពុជាទៅប្រកួតប្រជែងកម្មវិធី Miss universe 2018 នាពេលឆាប់ៗខាងមុខ៕
សូមទស្សនាព័ត៌មានជាវីដេអូ៖
ប្រភព៖ PNN News
