ថ្ងៃសៅរ៍ ទី២០ ខែមេសា ឆ្នាំ២០២៤
ថ្ងៃសៅរ៍ ទី២០ ខែមេសា ឆ្នាំ២០២៤
ប្រទេសអាហ្សង់ទីន មានករណីអ្នកកើតជំងឺកូវីដ១៩ លើស១០០,០០០នាក់ គិតត្រឹមថ្ងៃច័ន្ទនេះ ខណៈប្រទេសនេះបន្តប្រយុទ្ធប្រឆាំងការឆ្លងរាលដាលជំងឺកូវីដ១៩ បើទោះជាវិធានការរឹតត្បិត ត្រូវបានដាក់នៅក្នុងទីក្រុងប៊ុយណូស៊ែរ(Buenos Aires) និងតំបន់ជុំវិញទីក្រុងនេះក៏ដោយ។
ក្រសួងសុខាភិបាលអាហ្សង់ទីនអោយដឹងថា ការរកឃើញករណីអ្នកជំងឺកូវីដ១៩ឆ្លងថ្មីចំនួន២៦៥៧នាក់ បានធ្វើអោយតួលេខអ្នកកើតជំងឺកូវីដ១៩សរុបមាន១០០,១៦៦នាក់។
ប្រទេសអាហ្សង់ទីន បានដាក់អនុវត្តន៍វិធានការរឹតត្បិតនៅពាក់កណ្តាលខែមីនា ក្នុងបំណងបញ្ឈប់ការឆ្លងរាលដាលជំងឺកូវីដ១៩។ ក្រោយមកនៅខែឧសភាប្រទេសអាហ្សង់ទីន បានបន្ធូរបន្ថយវិធានការរឹតត្បិត ប៉ុន្តែក្រោយមកក៏ដាក់អនុវត្តន៍វិញនៅចុងខែមិថុនាសម្រាប់ទីក្រុងប៊ុយណូស៊ែរ និងតំបន់ជុំវិញទីក្រុងដោយសារជំងឺកូវីដ១៩កើនឡើងខ្ពស់។
តួលេខអ្នកស្លាប់ដោយសារជំងឺកូវីដ១៩ នៅប្រទេសអាហ្សង់ទីនមានចំនួន១៨៤នាក់ តិចជាងប្រទេសប្រេស៊ីលដែលមាន៧១៤៦៩នាក់ និងប្រទេសប៉េរ៉ូដែលមាន១១៦៨២នាក់។
នៅទូទាំងពិភពលោក មានមនុស្សច្រើនជាង១២លាននាក់កើតជំងឺកូវីដ១៩ ហើយមានមនុស្សច្រើនជាង៥៦៥ ២៣១នាក់ ស្លាប់ដោយសារជំងឺផ្លូវដង្ហើមមួយនេះ។
ប្រែសម្រួល៖ណាវ័ន្ត