ថ្ងៃសុក្រ ទី២៦ ខែមេសា ឆ្នាំ២០២៤
ថ្ងៃសុក្រ ទី២៦ ខែមេសា ឆ្នាំ២០២៤
នាវិកមួយក្រុមមានសមាជិកយ៉ាងតិច១៨នាក់ ត្រូវបញ្ជូនទៅកាន់មន្ទីរពេទ្យមួយនៅតំបន់ San Diego ក្រោយពីទទួលរងរបួសស្រាលក្នុងហេតុការណ៍អគ្គីភ័យឆេះនាវាចម្បាំងរបស់អាមេរិក USS Bonhomme Richard ដែលបានកើតឡើងកាលពីថ្ងៃអាទិត្យ។ នេះបើតាមការអោយដឹងពីយោធាជើងទឹកអាមេរិក។
តាមរយៈសារធ្វីតធ័រ យោធាជើងទឹកអាមេរិកអោយដឹងថា នាវិក១៨នាក់ត្រូវបញ្ជូនទៅមន្ទីរពេទ្យ ប៉ុន្តែស្ថានភាពរងរបួសមិនមានផលប៉ះពាល់ដល់សុខភាពទេ។ នៅពេលកើតមានអគ្គីភ័យ នាវិកប្រហែល១៦០នាក់ ស្ថិតនៅលើនាវា។
យោធាជើងទឹកអាមេរិកអោយដឹងបន្តថា មុនពេលអគ្គីភ័យ គេលឺសម្លេងផ្ទុះនៅលើនាវា។
យ៉ាងណាក៏ដោយ នៅមិនទាន់មានការបញ្ជាក់ច្បាស់លាស់ពីមូលហេតុដែលបង្កអោយកើតមានគ្រោះអគ្គីភ័យនេះនៅឡើយទេ។
ប្រែសម្រួល៖ណាវ័ន្ត