ថ្ងៃសុក្រ ទី១៩ ខែមេសា ឆ្នាំ២០២៤
ថ្ងៃសុក្រ ទី១៩ ខែមេសា ឆ្នាំ២០២៤
ស្ដេចស Real Madrid បានក្លាយជាជើងឯកក្លឹបពិភពលោក FIFA Club World Cup 2016 បន្ទាប់ពីបានយកឈ្នះម្ចាស់ផ្ទះ Kashima Antlers ក្នុងលទ្ធផល ៤-២ នៅកីឡដ្ឋាន International Stadium Yokohama។
ក្នុងវគ្គទី១ Karim Benzema ទាត់បញ្ចូលទីឲ្យ Real Madrid នាំមុខ Kashima Antlers ត្រឹមនាទីទី៩ ប៉ុន្ដែនៅចុងវគ្គទី១ ទៅហើយ ពោលនាទី៤៤ អតីត U17 ជប៉ុន Shibasaki រកគ្រាប់តាមស្មើឲ្យ Kashima Antlers ដោយប្រើជំនាញជើងឆ្វេងស៊ុតបញ្ចូលទី។
ចូលវគ្គទី២ បាន ៧ នាទី Shibasaki ដដែល បានបង្កភាពភ្ញាក់ផ្អើលយ៉ាងខ្លាំង ដោយប្រើជើងឆ្វេងស៊ុតបញ្ចូលទីបន្ថែម ១ គ្រាប់ទៀត ឲ្យ Kashima Anlters នាំមុខក្រុម Real Madrid ២-១។ ក្រោយការនាំមុខរបស់ជើងឯក J-League 1 មិនយូរប៉ុន្មាន ពោល៨នាទីបន្ទាប់ Real Madrid តាមស្មើបានសម្រេច ដោយបាល់ពិន័យប៉េណាល់ទីរបស់ Cristiano Ronaldo ធ្វើឲ្យការប្រកួតបញ្ចប់ក្នុងលទ្ធផលស្មើគ្នា ២-២។
ការប្រកួតឈានដល់វគ្គបន្ថែម១៥នាទីពីរដង ម្ចាស់ពាន Ballon D'or ២០១៦ Cristiano Ronaldo ធ្វើបាន Hat-trick ដោយរកបាន ២ គ្រាប់នៅម៉ោងបន្ថែមវគ្គទី១ ជួយឲ្យជើងឯកទ្វីបអឺរ៉ុប Real Madrid ក្លាយជាជើងឯកក្លឹបអាជីពពិភពលោកឆ្នាំ២០១៦ ក្នុងលទ្ធផល ៤-២។ ជាមួយការគ្រងជើងឯកលើកទី២ អមដោយប្រាក់រង្វាន់ ៥ លានដុល្លារ កីឡាករពីររូបរបស់ស្ដេចសឈ្នះពានឯកត្តជនពីរផ្សេងគ្នា ដោយរង្វាន់បាល់មាសបានទៅ Cristiano Ronaldo បាល់ប្រាក់បានទៅ Luka Modrić ខណៈ Gaku Shibasaki របស់ Kashima Antlers ទទួលបាន បាល់សំរឹទ្ធ៕
តោះ! មើលឈុត Highlight ពិសេសៗនៃព្រឹត្តិការណ៍ដ៏ធំនេះ៖
