ថ្ងៃព្រហស្បតិ៍ ទី២៥ ខែមេសា ឆ្នាំ២០២៤
ថ្ងៃព្រហស្បតិ៍ ទី២៥ ខែមេសា ឆ្នាំ២០២៤
ក្រោយយកឈ្នះគូប្រកួតរៀងខ្លួន កាលពីថ្ងៃអាទិត្យ ទី១១ ធ្នូកន្លងទៅ លើវាលស្មៅកីឡដ្ឋាន Suita City Football ទីក្រុងអូសាកា ជើងឯក CONCACAF Champions League មកពីមិកស៊ិកូ Club America និងម្ចាស់ផ្ទះ Kashima Antlers ទទួលបានកៅអីនៅវគ្គពាក់កណ្ដាលផ្ដាច់ព្រ័ត្រហើយ។
.jpg)
ក្លិបវ័យ១០០ឆ្នាំ Club America បានផ្ដល់ភាពខកចិត្តជាលើកទី២ដល់ជើងឯក AFC Champions League មកពីកូរ៉េខាងត្បូង Joenbuk Hyundai Motors ក្នុងលទ្ធផល ២-១ នៅវគ្គ១ភាគ៤ផ្ដាច់ព្រ័ត្រ ដូចកាលពី១០ឆ្នាំមុន ក្នុងថ្ងៃនិងខែដូចគ្នា Club America បានទម្លាក់ Joenbuk ក្នុងវគ្គនេះ ដោយគ្រាប់បាល់ ១-០។ ជ័យជម្នះនេះច្រានឲ្យក្លិបជោគជ័យជាងគេនៅមិកស៊ិកូទៅជួបជើងឯក UEFA Champions League អធិរាជស Real Madrid នៅវគ្គពាក់កណ្ដាលផ្ដាច់ព្រ័ត្រថ្ងៃទី១៥ ខែធ្នូខាងមុខ។
.jpg)
ចំណែក Kashima Antlers បានក្លាយជាក្លិបទី៥មកពីអាស៊ី ដែលបានឈានដល់វគ្គពាក់កណ្ដាលផ្ដាច់ព្រ័ត្រ FIFA Club World Cup បន្ទាប់ពីផ្ដល់រសជាតិបរាជ័យឲ្យជើងឯក CAF Champions League មកពីអាហ្វ្រិកខាងត្បូង Mamelodi Sundowns ក្នុងលទ្ធផល ២-០។ ក្លិបជើងឯក J-League 1 រដូវកាល២០១៦ នឹងត្រូវជួបជាមួយជើងឯក Copa Libertadores មកពីកូឡុំប៊ី Atletico Nacional ដើម្បីដណ្ដើមកៅអីទៅវគ្គផ្ដាច់ព្រ័ត្រ។
ទស្សនា Highlight ឈុតពិសេសៗនៃព្រឹត្តិការណ៍នេះ៖
គួរបញ្ជាក់ថា ថ្ងៃពុធ ទី១៤ ខែធ្នូនេះ ប្រិយមិត្តនឹងបានទស្សនាការប្រកួតចំនួនពីរ ក្នុងនោះការប្រកួតដណ្ដើមចំណាត់ថ្នាក់លេខ៥រវាង Jeonbuk Hyundai Motors និង Mamelodi Sundowns នឹងចាប់ផ្ដើមពីម៉ោង២:០០រសៀលតទៅ។ ដោយឡែក គូបន្ទាប់ជាការប្រជែងរកកៅអីវគ្គផ្ដាច់ព្រ័ត្ររវាង Atletico Nacional និងម្ចាស់ផ្ទះ Kashima Anthlers ចាប់ពីម៉ោង៥:៣០នាទីតទៅ។ ការប្រកួតទាំង២នឹងធ្វើនៅកីឡដ្ឋាន International Stadium Yokohama ក្នុងទីក្រុង Yokohama។
.jpg)
ព្រឹត្តិការណ៍ជើងឯកក្លិបអាជីពពិភពលោក FIFA Club World Cup 2016 ដ៏សម្បើមអស្ចារ្យមួយនេះ នឹងផ្សាយបន្តផ្ទាល់នៅលើកញ្ចក់ទូរទស្សន៍ភីអិនអិនតែមួយគត់។ សូមកុំភ្លេចរង់ចាំតាមដាន ទស្សនា ថាតើក្លិបមួយណាអាចរកជ័យជម្នះក្នុងសមរភូមិវាលស្មៅមួយនេះ?
ទស្សនាព្រឹត្តិការណ៍ខ្លីៗ៖
